లలితకళారాధనలో వెలిగే చిరుదివ్వెను నేను

లలితకళారాధనలో వెలిగే చిరుదివ్వెను నేను (2)
మధుర భారతి పదసన్నిధిలో (2)
ఒదిగే తొలి పువ్వును నేను
లలితకళారాధనలో వెలిగే చిరుదివ్వెను నేను

కృతిని అమ్మని పోతన్నకు (2)
మెతుకే కరువై పోలెదా
బ్రతికి వుండగా త్యాగయ్యకు
బ్రతుకే బరువై పోలెదా
విరిసిన కుసుమం వాడిపోతే కరుణ చూపేదెవరు (2)
పాడేకోకిల మూగపోతే పలకరించేదెవరు (2)
కడుపునింపని కళలెందుకు (2)
తనకు మాలిన ధర్మమెందుకు
లలితకళారాధనలో వెలిగే చిరుదివ్వెను నేను
మధుర భారతి పదసన్నిధిలో (2)
ఒదిగే తొలి పువ్వును నేను (2)
లలితకళారాధనలో వెలిగే చిరుదివ్వెను నేను