నీ కళ్ళతోటి నా కళ్ళలోకి చూస్తేనే చంద్రోదయం

నీ కళ్ళతోటి నా కళ్ళలోకి చూస్తేనే చంద్రోదయం
నీ చూపు తోటి నను తాకుతుంటే తనువంత సూర్యోదయం
ఇలాగే ఇలాగే మనం ఏకమయ్యే క్షణాలే కదా ఓ వరం
అలాగే అలాగే ప్రపంచాలు పలికే కథవ్వాలి మనమిద్దరం

అడుగునౌతాను నీ వెంటే నేను తోడుగా నడవగా చివరిదాకా
గొడుగునౌతాను ఇకపైన నేను వానలో నిన్నిలా తడవనీకా
నిన్నొదిలి క్షణమైనా అసలుండలేను చిరునవ్వునౌతాను పెదవంచునా
నీ లేత చెక్కిళ్ళ వాకిల్లలోనతొలి సిగ్గు నేనవ్వనా

వెన్నెలౌతాను ప్రతిరేయి నేను చీకటే నీ దరికి చేరకుండా
ఊపిరౌతాను నీలోన నేను ఎన్నడూ నీ జతే వదలకుండా
నా రాణి పాదాలు ముద్దాడుకుంటూ నేనుండిపోతాను పారాణిలా
చిరు చెమట పడుతుంటే నీ నుదుటిపైనా వస్తాను చిరుగాలిలా