హృదయమనే కోవెల తలుపులు తెరిచే తాళం ప్రేమా

||ప|| |ఆమె|
హృదయమనే కోవెల తలుపులు తెరిచే తాళం ప్రేమా.. ప్రేమా..
||ఖోరస్||
ప్రేమా.. ప్రేమా
|అతడు|
త్యాగమనే దేవత సన్నిధి వెలిగే దీపం ప్రేమా.. ప్రేమా..
||ఖోరస్||
ప్రేమా.. ప్రేమా
|ఆమె|
అణువణువును చెలిమికి అంకితమిచ్చును ప్రేమ
|అతడు|
తను నిలువున కరుగుతు కాంతి పంచునది ప్రేమ
|ఆమె|
గగనానికి నేలకి వంతెన వేసిన వాన విల్లు ఈ ప్రేమ
||ఖోరస్||
ప్రేమా.. ప్రేమా.. ప్రేమా.. ప్రేమా
||హృదయమనే ||
.
||చ|| |ఆమె|
ఇవ్వడమే నేర్పగల ఈ ప్రేమ తన కొరకు ఏ సిరిని అడగదు కదా
|అతడు|
నవ్వడమే చూపగల ఈ ప్రేమ - మంటలనే వెన్నెలగా మార్చును కదా
|ఆమె|
గాలికి గంధము పూయడమే పూలకు తెలిసిన ప్రేమ సుధ
|అతడు|
రాలిన పువ్వుల జ్ఞాపకమే కాలం చదివే ప్రేమ కథ
|ఆమె|
ప్రియమైన తనవారి సుఖశాంతులే కోరి మురిసేటి గుణమే ప్రేమ
||ఖోరస్||
ప్రేమా..ప్రేమా..ప్రేమా..ప్రేమా
||హృదయమనే ||
.
||చ|| |అతడు|
ఏ జతనో ఎందుకో విడదీసి వెంటాడి వేటాడు ఆటే ప్రేమ
|ఆమె|
మౌనముతో మనసునే శృతి చేసి రాగాలు పలికించు పాటే ప్రేమ
|అతడు|
శాశ్వత చరితల ఈ ప్రేమ మృత్యువు ఎరగని చిరునామా
|ఆమె|
శ్వాసను మంగళ హారతిగా వెలిగించేదే ఈ ప్రేమ
|అతడు|
మరణాన్ని ఎదిరించి…
|ఆమె|
మరణాన్ని ఎదిరించి… మరుజన్మగా వచ్చి… ||2||
కరుణించు వరమే ప్రేమ
.
||ఖోరస్||
ప్రేమా.. ప్రేమా.. ప్రేమా.. ప్రేమా
||హృదయమనే ||