ఈ జండ పసిబోసి చిరునవ్వురా

||పల్లవి||
ఈ జండ పసిబోసి చిరునవ్వురా........దాస్య సంకెళ్ళు తెంచిందిరా
ఈ జండ అమరుల తుది శ్వాసరా....... రక్త తిలకాలు దిద్దిందిరా
వీర స్వాతంత్ర పోరాట తొలిగెలుపురా.......మన వెలలేని త్యాగాల ఘన చరితరా
తన చనుబాలతో పోరు నేర్పిందిరా...... ఉరికొయ్యల్ని ఉయ్యాల చేసిందిరా
ఆ తెల్లోడి గుండెల్ని తొలిచేసిన అమ్మురా.........
వందేమాతరం....... మనదే ఈ తరం..........
వందేమాతరం....... పలికే ప్రతి నరం.......... ||ఈ జండ||

||చరణం 1||
శాస్త్రానికి జ్ఞానానికి జన్మభూమిరా మనదేశం
మానవాళికే వైతాళిక గీతం రా భారతం.......
సత్యానికి ధర్మానికి ఆదిగురువురా మనదేశం
ఎన్నో మతాల సహజీవన సూత్రం రా భారతం......
ఆ దైవం మనకోసం...... సృష్టించే ఈ స్వర్గం
ఈ ప్రాణాలు పోసింది ఆ తల్లిరా....... తన దేహాన్ని ధైర్యాన్ని పంచిందిరా
ఇక మనకేమి ఇచ్హిందనడగొద్దురా...... భారతీయులుగ పుట్టాము ఈ జన్మకిది చాలురా.........
వందేమాతరం....... మనదే ఈ తరం..........
వందేమాతరం....... పలికే ప్రతి నరం.......... ||ఈ జండ||

||చరణం 2||
పిచ్చికుక్కలా ఉగ్రవాదమే రెచ్హిపోయి కాటేసినా.......
వెన్ను చూపని ఉక్కుసైన్యానికే సలామురా
మంచుమల్లెల శాంతికపోతం నెత్తుటి జడిలో తడిసినా.....
చెక్కుచెదరని ఐకమత్యమొకటే సవాలురా
మానవుడే మా వేదం...... మానవతే సందేశం
మా శతకోటి హృదయాలదొక మాటరా...... ఉక్కు పిడికిలితొ అణిచేము మీ బలుపురా
చావు ఎదురైన భయపడదు మా గుండెరా......శత్రువెవడైన తలవంచదీ జండ రా
ఫిరంగుల్ని ఎదిరించి తొడకొట్టి నిలిచిందిరా.........
వందేమాతరం....... మనదే ఈ తరం..........
వందేమాతరం....... పలికే ప్రతి నరం.......... ||ఈ జండ||