నీలో ఏముందో ఏమో మనసు నిన్నే వలచింది

నీలో ఏముందో ఏమో
మనసు నిన్నే వలచింది
సొగసులన్నీ కోరింది
నీలో ఏముందో ఏమో
మనసు నిన్నే వలచింది
సొగసులన్నీ ఇమ్మంది

నీ కాటుక కన్నులలో
చీకటి గుసగుసలు
నీ కమ్మని నవ్వులలో
వెన్నెల మిసమిసలు
నీ ఎదలో పూల పొదలే పూచి
మధువులు చిందాయి
నా మమతలు పెంచాయి

నీ అల్లరి చూపులకే
వళ్ళంతా గిలిగింత
నీ తుంటరి చేష్టలకే
మదిలో పులకింత
నీ వంపులలోనా సొంపులలోనా
వలకును వయ్యారం
అది వలపుల జలపాతం

నీ పరువం చూడనిచో
పొద్దే పోదుకదా
నీ పలుకులు వినకుంటే
నిదురే రాదుకదా
నీ సరసన లేని నిముషం కూడ
ఏదో వెలితిసుమా ఇక నీవే నేను సుమా