కోటి తారలా కాంతి ధారలా

కోటి తారలా కాంతి ధారలా
నేలకొచ్చినా కన్నె మేనకా
గుండె గూటిలో పల్లె పాటలా
పల్లవించనా ప్రేమ నాయకా
ఎపుడమ్మా మధుమాసం
ఎదురవదా మనకోసం
చిలకరెక్కపై లగ్నపత్రికా
రాయమన్నదీ గండుకోయిలా

చెలియా చినుకై నిను తాకాలనీ
సఖియా వెలుగై నిను చేరాలనీ
ఎగసే మనసే నీకివ్వాలనీ
వరసే కలిసే తోడవ్వాలనీ
కౌగిళ్ళలో కలే పండాలనీ
నూరేళ్ళిలా మనం ఉండాలనీ
అగ్నిసాక్షిగా ఏడు అడుగులూ
వేయమన్నదీ వేదమంత్రమూ

తెలుసా వయసా తొలి వలపన్నదీ
ఎదలో లయలా అది దాగున్నదీ
వినవా మనసా తను ఏమన్నదీ
కనులే కలిపి మైమరపన్నదీ
నా ఆశలే ప్రియా తీరేదెలా
నీ శ్వాసగా చెలీ మారేదెలా
వాన చినుకులే తలంబ్రాలుగా
పోయమన్నదీ మేఘమాలికా