ఈ చల్లని లోగిలిలో ఈ బంగరు కోవెలలో

పల్లవి ; ఈ చల్లని లోగిలిలో ఈ బంగరు కోవెలలో
ఆనందం నిండాలి అనురాగం పండాలి (ఈ చల్లని )


చరణం1; ఇల్లాలే శ్రీ అన్నపూర్ణగా ప్రతి రోజు ఒక పండుగగా
వచ్చే పోయే అతిధులతో మీ వాకిలి కళకళ లాడాలి (ఈ చల్లని )


చరణం2; పిల్లల పాపల అల్లరితో ఈ ఇల్లంతా విలసిల్లాలి
పసుపు కుంకుమ కొల్లలుగా ఈ పచ్చని ముంగిట కురవాలి (ఈ చల్లని )


చరణం3; శుభముల నొసగే ఈ మందిరము శాంతికి నిలయం కావాలి
లక్ష్మి,సరస్వతి ఒద్దికగా ఈ ఇంటను కాపురం వుండాలి (ఈ చల్లని )