లేలేబాబా నిద్దుర లేవయ్యా

లేలేబాబా నిద్దుర లేవయ్యా
ఏలే స్వామి మేలుకోవయ్యా
రవితేజ కిరణమే నీ శరణు కోరుతూ
చరణాలను చేరగ తలుపు తీసెరా బాబా

వేగుచుక్క తిలకమెట్టి
వేదమంత పువ్వులు పెట్టీ ఆ..ఆ..
పాదసేవ చేసుకునే వేళ దాటిపోయెనని
ప్రశ్నలేయకుంటే మంచిదే ఇద్దరికి
పెద్దకొడుకంటే ముద్దేలే ఏ తండ్రికి
అందుకనే గుండె నీ గురుపీఠమైనది
ఆరాధ్యదైవమని కొనియాడుతున్నది
అంతకు మించిన భాగ్యమేదిరా బాబా


నీలకంఠ స్వామి లో నిండుకున్న జ్యోతివై
సత్యమైన వెలుగులో దత్తాత్రేయ రూపమై
లోకములు కాచే తండ్రివీ నీవేనని
రూపములనేకములైన శ్రీ సాయివీ
నమ్ముకున్న వారికెల్ల నారాయణత్మవై
కుమ్మరించు వరములే సుఖశాంతి నెలవులై
వెన్నంటి నువ్వుంటె లోటే లేదుగా బాబా