నీ అందం నాప్రేమ గీత గోవిందం నీ వర్ణం నా కీరవాణి సంకేతం

నీ అందం నాప్రేమ గీత గోవిందం నీ వర్ణం నా కీరవాణి సంకేతం
నీ రాగం ఏ ప్రేమ వీణా సంగీతం ఈ యోగం ఏ జీవధారా సంయోగం
వయ్యారి రూపం గాంధార శిల్పం శృంగార దీపం వెలిగిస్తే
నీ చూపు కోణం సంధించు బాణం నాలేత ప్రాణం వేధిస్తే



జీరాడు కుచ్చిళ్ళ పారాడు పాదాల పారాణి వేదాలు గమకించగా
కోరాడు మీసాల తారాడు మోసాల నా మందహాసాలు చమకించగా
ఆరారు ఋతువుల్లో అల్లారు ముద్దుల్లో ఎదకంట తాళాలు వినిపించగా
ఆషాఢ మేఘాల అవేశ గీతాలు సరికొత్త భావాలు సవరించగా
నీకోసమే ఈడు నేను వేచాములే
నీకోసమే నాలో నన్నే దాచానులే
నిను పిలిచాను మలిసంధ్య పేరంటం
ఇక మొదలాయే పొదరింటి పోరాటం ఆరాటం


హంసల్లే వచ్చింది హింసల్లే గిచ్చింది నీ నవ్వు నా పువ్వు వికసించగా
మాటల్లే వచ్చింది మనసేదో విప్పింది వద్దన్న నీ మాట వలపించగా
రెప్పల్లోకొచ్చింది రేపల్లే పాడింది నా నువ్వు నీ నేను క్రీడించగా
గాధల్లో నిదరోయి రాధమ్మ లేచింది నా వేణువే నాకు వినిపించగా
నీ పింఛమే కిలికించితాలు చేసిందిలే
నాకోసమే ఈ పారిజాతం పూసిందిలే
మన హృదయాలలో ప్రేమ తారంగం
స్వరబృందావిహారాల చిందేటి ఆనందం