ఇంటికి దీపం ఇల్లాలే

ఇంటికి దీపం ఇల్లాలే
సుఖాలపంటకు జీవం ఇల్లాలే
కళకళలాడుచు - కిలకిల నవ్వుచు
బ్రతుకే స్వర్గము అనిపించునుగా
పతికే సర్వము అర్పించునుగా ||ఇంటికి||

నాధుని తలలో నాలుక తీరున
మంచి చెడులలో మంత్రి అనిపించును
అభిరుచి తెలిసి - ఆకలి నెరిగి
అన్నము పెట్టే అమ్మను మించును ||ఇంటికి||

సహచర్యములో, పరిచర్యలలో
దాసిగా తరింప జూచుచు
దయావాహిని - త్యాగరూపిణి
భారత మానిని - భాగ్యదాయిని ||ఇంటికి||