కమ్మగ సాగే స్వరమో

||ప|| |అతడు1|
కమ్మగ సాగే స్వరమో || 2 ||
అల్లుడూ…
||ప|| |అతడు|
కమ్మగ సాగే స్వరమో || 2 ||
రమ్మని లాగే చెలిమో
అది ఎవరిదనీ మది అడిగినది
పద వెతకమని అటు తరిమినది
కథ ముదురు మదన మహిమో..
|అతడు1| అద్గదీ
|ఆమె| || కమ్మగ సాగే ||
|అతడు1| అద్గదీ
|ఇద్దరు|
కమ్మగ సాగే స్వరమో రమ్మని లాగే చెలిమో
.
||చ|| |అతడు|
తీయని వలపుల సాయం అడిగిన వయసు విన్నపమో
|ఆమె|
దాగని వలపుల రాగము పలికిన సొగసు సంబరమో
|అతడు1|
కంగారు కలల కలవరమో శృంగార కళల తొలివరమో
|ఆమె| ఏమో….ఓ ఓ ఓ…
|అతడు| ||కమ్మగ సాగే ||
|అతడు1| ..శభాష్!
|ఇద్దరు|
కమ్మగ సాగే స్వరమో రమ్మని లాగే చెలిమో
.
||చ|| |ఆమె|
తొందరపడమని ముందుకు నడిపిన చిలిపి స్వాగతమో
|అతడు|
కందిన పెదవుల విందుకు పిలిచిన చెలియ స్నేహితమో
|ఆమె|
పిల్లగాలి చేస్తున్న రాయబారమో పూల దారి వేస్తున్న ప్రేమ గానమో
|అతడు| ఏమో.. ఓ ఓ ఓ…
|ఆమె| కమ్మగ సాగే స్వరమో |అతడు| రమ్మని లాగే చెలిమో
|ఆమె| అది ఎవరిదనీ |అతడు| మది అడిగినది
|ఆమె| పద వెతకమని |అతడు| అటు తరిమినది
|ఇద్దరు| కథ ముదురు మదన మహిమో..
|అతడు1| బ్రహ్మాండం!
|ఇద్దరు|
కమ్మగ సాగే స్వరమో రమ్మని లాగే చెలిమో
.

జగమంత కుటుంబం

జగమంత కుటుంబం నాది ఏకాకి జీవితం నాది
జగమంత కుటుంబం నాది ఏకాకి జీవితం నాది
సంసార సాగరం నాదే సన్యాసం శూన్యం నావే
జగమంత కుటుంబం నాది ఏకాకి జీవితం నాది

కవినై కవితనై భార్యనై భర్తనై
కవినై కవితనై భార్యనై భర్తనై
మల్లెల దారిలో మంచు ఎడారిలో
మల్లెల దారిలో మంచు ఎడారిలో
పన్నీటి జయగీతాల కన్నీటి జలపాతాల
నాతో నేను అనుగమిస్తూ నాతో నేనే రమిస్తూ
వంటరినై అనవరతం కంటున్నాను నిరంతరం
కలల్ని కథల్ని మాటల్ని పాటల్ని
రంగుల్ని రంగవల్లుల్ని కావ్య కన్యల్ని ఆడపిల్లని

మింటికి కంటిని నేనై
కంటను మంటను నేనై
మింటికి కంటిని నేనై
కంటను మంటను నేనై
మంటల మాటున వెన్నెల నేనై
వెన్నెల పూతల మంటను నేనై
రవినై శశినై దివమై నిశినై
నాతో నేను సహగమిస్తూ నాతో నేనే రమిస్తూ
వంటరినై ప్రతినిమిషం కంటున్నాను నిరంతరం
కిరణాల్ని కిరణాల హరిణాల్ని హరిణాల చరణాల్ని చరణాల
చలనాన కనరాని గమ్యాల కాలాన్ని ఇంద్రజాలాన్ని

గాలి పల్లకీలోన తరలి నా పాట పాప ఊరేగి వెడలె
గొంతు వాకిలిని మూసి మరలి తను మూగబోయి నా గుండె మిగిలె
నా హృదయమే నా లోగిలి
నా హృదయమే నా పాటకి తల్లి
నా హృదయమే నాకు ఆలి
నా హృదయములో ఇది సినీవాలి