నా పేరు చక్రం బూ చక్రం విష్ణు చక్రం సుదర్శన చక్రం

నా పేరు చక్రం బూ చక్రం విష్ణు చక్రం సుదర్శన చక్రం
బస్సు చక్రం కారు చక్రం సైకిల్ చక్రం కాల చక్రం జరిగింది
జరుగుతున్నది జరగబోయేది అన్ని నాకు తెలుసు
టూమచ్‌గా మాట్లాడకు అసలు నీకేం తెలుసోయ్
నీ అసలు పేరు బన్ని నీ కొసరు పేరు చిన్ని నీ పప్పి పేరు స్నోపి
నీ పాకెట్ వన్‌రూపి మీ కిష్టం టామన్ జెర్రి నచ్చెట్టి టెర్మి చెయ్యి

నీ పళ్ళకుంది క్లిప్పు నువ్వు పెట్టలేదు జిప్పు ఇంకేం తెలుసు
చాలా తెలుసు నువ్వు రాత్రిపూట పక్కమొత్తం తడిపేస్తుంటావు
నీ ప్రెండు గారి పెన్సిళ్ళన్ని మాయం చేస్తావు
నువ్వు సోపాసెట్టు చెంచాతోటి కోసేస్తుంటావు
ఇవన్నీ ఎట్లా చెప్పావు ||2||
ఇదంతా ఫేస్ రీడింగు ||2||

ముందుకి దువ్విన పండు హిందీలో మార్కులు రెండు
వెనక్కి దువ్విన వేణు నిన్ను తన్నిన వాడు శ్రీను శీను
మైగాడ్ ఇదంతా క్రాఫ్ రీడింగు ||2||
స్పైడర్‌మాన్ బాలు నైటంతా నోట్లో వేలు
ఇదంతా డ్రస్సు రీడింగు ||2||
ఫేస్ రీడింగు, క్రాఫ్ రీడింగ్ అయిపోయాయి
హమ్మయ్య ఇప్పుడు ప్యూచర్ రీడింగ్
నువ్వు భవిష్యత్తులో చిరంజీవిలా ||2||

డాన్సులు చేస్తావు బోలెడు ఫ్యాన్సులు పొందావు
నువ్వు భారత జట్టులో సచిన్ ప్లేసునే భర్తీ చేస్తావు
బిలియన్ పరుగులు తీస్తావు
నువ్వేమో ఎయిర్‌పోర్ట్సు నువ్వేమో మిల్ట్రీ కోర్సు నువ్వేమో
చోటా చోటా నువ్వేమో బుల్లిగెట్సు పద్మశ్రీలు డాక్టరేటులు
జ్ఞానపీటలు భారతరత్నాలు మీరే సరే మేమే చెయ్యాలి ||2||

అల్లరి చెయ్యాలి చిల్లర పనులే చెయ్యద్దు నవ్వుతూ ఉండాలి
నవ్వుల పాలే కావద్దు
కలలే చూడలి నిజముగా మలచక వదలవద్దు
ఎత్తుకు ఎదగాలి నిలిచిన నేలను మరవద్దు
భారత భూమిని మరవద్దు భారత మాతను మరవద్దు

చిన్నా పెద్దా అంతా పండుగ చెయ్యాలంటా

చిన్నా పెద్దా అంతా పండుగ చెయ్యాలంటా
తీపి చేదు అంతా పంచిపెట్టాలంటా
రంగేళి హొలి రంగామాకేళి ఎక్కడ నువ్వుంటే అక్కడ జరగాలి
రవ్వల రించోలి సిరిదివ్వెల దివాళి ఎప్పుడురమ్మంటే అప్పుడు రావాలి
పంచాంగం చెబితే గాని పండుగా రానందా
సంతోషంగా గడపడానికో సుముహూర్తం ఉంటుందా ||రంగేళి||

తినేది చేదని తెలిసి అది ఉగాది విందని తలచి
ఇష్టపడే ఆ పూటే అలవాటైతే ప్రతిరోజు వసంత మవుతుంది
గడపలో అన్నీ జరిపి ఆ గణపతి పండుగ జరిపి నిమజ్జనం కాని జనం
జరిపే పయనం నిత్యం భద్రపదమవుతుంది
లోకుల చీకటి తొలగించే శుభ సమయం కోసవెతికే
చూపులు దీపాలుగ చేసే జాగరనే శివరాత్రి
ప్రత్యేకంగా బందువులొచ్చే రోజొకటుండాలా చుట్టూ ఇందరు
చుట్టాలుంటే సందడిగా లేదా ||రంగేళి||

కన్నుల జోల పదాలై గొల్లల జాన పదులై నరుడికి గీతాపదమై
నడవడమంటే అర్థం కృష్ణ జయంతి
అందరి ఎండకి మనమే పందరిగేలక్షణమే మనిషి గనం మంటారని గుర్తించడమే
మనిషిని తలపించి విజయం సాధించే క్షణమే దసరా దశమి అవుతుంది
పదుగురు పంచిన వెచ్చని ఊపిరి భోగిమంటయ్యింది
మద్ ముంగిలలో ముగ్గులు వేసే సాంతేశం క్రాంతి

ఒకటి రెండంటు విడిగా లెక్కెడితే తొమ్మిది గుమందాటవు
ఎప్పుడు అంకెలు ఎన్నంటే పక్కన నిలబెడుతూ కలుపుతూ పోతుంటే
లెక్కకైనా లెక్కల కందవు సంఖ్యలు ఎన్నంటే
నువ్వు నువ్వుగా నేను నేనుగా ఉన్నామనుకుంటే
కోట్ల ఒకటే ఎవరి ముసుగులో వాళ్ళుంటామంటే
నిన్ను నన్ను కలిపి మనమని అనుకున్నామంటే
ప్రపంచ జనాభా మొత్తం కలిపితే మనిషితనం ఒక్కటే
మనిషితనం ఒక్కటే

కొంచం కారంగా కొంచం గారంగా

పల్లవి:
కొంచం కారంగా కొంచం గారంగా
కొంచం కష్టంగా కొంచం ఇష్టంగా
అందించనీ అదిరే అధరాంజలి
బంధించనీ కాలాన్నీ కౌగిలి
సుడిగాలిగా మారి చుట్టేసుకోవాలి
మంచల్లే నిమిరే నీ జాలి
మంటల్లే నను మరిగించాలి


చరణం:
తలుపేసుకుంటె నీ తలపాగుతుందా
మదిలో నువ్వుంటె స్నానం సాగుతుందా
నీ విషమే పాకింది నరనరమునా
ఇక నా వశము కాకుంది యమ యాతనా
లేనిపోని నిందలుగాని హాయిగానె ఉందీ హానీ
ఉన్నమాట నీతో చెప్పనీ
||కొంచం కారంగా||

చరణం:
అమ్మాయినంటూ నాకే గుర్తు చేస్తూ
లాగావు గుట్టు గుండెల్లోకే చూస్తూ
నీ గాలి కబురొచ్చి మునివెచ్చగా
నువ్వేమేమి చేస్తావొ చెబుతుండగా
మనసకంది మన్మధ లేఖ కెవ్వుమంది కమ్మని కేకా
వయసు కందిపోయే నేడిలా
||కొంచం కారంగా||

ఒకే ఒక మాట

ఒకే ఒక మాట మదిలోన దాగుంది మౌనంగా
ఒకే ఒక మాట పెదవోపలేనంత తీయంగా
నా పేరు నీ ప్రేమనీ
నా దారి నీ వలపనీ
నా చూపు నీ నవ్వనీ
నా ఓపిరే నువ్వనీ
నీకు చెప్పాలని

నేను అని లేను అని చెబితే ఏం చేస్తావు
నమ్మనని నవ్వుకొని చాల్లె పొమ్మంటావు
నీ మనసులోని ఆశగా నిలిచేది నేనని
నీ తనువులోని స్పర్శగా తగిలేది నేననీ
నీ కంటి మైమరపులో నను పోల్చుకుంటాననీ
తల ఆన్చి నీ గుండెపై నా పేరు వింటాననీ
నీకు చెప్పాలని

నీ అడుగై నడవడమే పయనమన్నది పాదం
నిను విడిచి బతకడమే మరణమన్నది ప్రాణం
నువు రాకముందు జీవితం గురుతైన లేదనీ
నిను కలుసుకున్న ఆ క్షణం నను వదలిపోదనీ
ప్రతి ఘడియ ఓ జన్మగా నే గడుపుతున్నాననీ
ఈ మహిమ నీదేననీ నీకైన తెలుసా అనీ
నీకు చెప్పాలనీ

రంగేళి హోళి

కృష్ణ కృష్ణ కృష్ణ హే రామ రామ రామ
చిన్నా పెద్దా అంతా పండుగ చేయాలంట
తీపి చేదు అంతా పంచి పెట్టాలంట

రంగేళి హోళి హంగామా కేళి
ఎక్కడ నువ్వుంటే అక్కడ జరగాలి
రవ్వల రించోలి సిరి దివ్వెల దీవాలి
ఎప్పుడు రమ్మంటే అప్పుడు రావాలి
పంచాంగం చెబితేగాని పండుగ రానందా
సంతోషంగా గడపడానికో సుముహూర్తం ఉంటుందా

తినేది చేదని తెలిసి అది ఉగాది విందని తలచి
ఇష్టపడే ఆ పూటే అలవాటైతే ప్రతి రోజూ వసంతమౌతుంది
గడపలు అన్నీ జరిపి ఆ గణపతి పండుగ జరిపి
నిమ్మజనంగా జనం జరిపే పయనం నిత్య భాద్రపదమౌతుంది
లోకుల చీకటి తొలగించే శుభసమయం కోసం వెతికే
చూపులు దీపాలుగ జేసే జాగరణే శివరాత్రి
ప్రత్యేకంగా బంధువులొచ్చే రోజొకటుండాలా
చుట్టూ ఇందరు చుట్టాలుంటే సందడిగా లేదా

తల్లుల జోలపదాలై గొల్లల జానపదాలై
నరుడికి గీత పథమై నడవడమంటే అర్ధం కృష్ణ జయంతి
అందరి ఎండకు మనమే పందిరయ్యే లక్షణమే
మనిషితనం అంటారని గుర్తించడమే శ్రీరామ నవమయింది
మనలో మనమే కలహించి మనలో మహిషిని తలపించి
విజయం సాధించే క్షణమే దసరా దశమి అవుతుంది
పదుగురు పంచిన వెచ్చని ఊపిరి భోగి మంటయింది
మది ముంగిలిలో ముగ్గులు వేసే శాంతే సంక్రాంతి

ఒకటి రెండంటూ విడిగా లెక్కెడితే
తొమ్మిది గుమ్మం దాటవు ఎపుడూ అంకెలు ఎన్నంటే
పక్కన నిలబెడుతూ కలుపుకుపోతుంటే
లెక్కలకైనా లెక్కలకందవు సంఖ్యలు ఎన్నంటే
నువ్వు నువ్వుగా నేను నేనుగా ఉన్నామనుకుంటే
కోట్ల ఒకటై ఎవరి ముసుగులో వాళ్ళుంటామంతే
నిన్ను నన్ను కలిపి మనమని అనుకున్నామంటే
ప్రపంచ జనాభా మొత్తం కలిపితే మనిషితనం ఒక్కటే

జగమంత కుటుంబం

జగమంత కుటుంబం నాది ఏకాకి జీవితం నాది
జగమంత కుటుంబం నాది ఏకాకి జీవితం నాది
సంసార సాగరం నాదే సన్యాసం శూన్యం నావే
జగమంత కుటుంబం నాది ఏకాకి జీవితం నాది

కవినై కవితనై భార్యనై భర్తనై
కవినై కవితనై భార్యనై భర్తనై
మల్లెల దారిలో మంచు ఎడారిలో
మల్లెల దారిలో మంచు ఎడారిలో
పన్నీటి జయగీతాల కన్నీటి జలపాతాల
నాతో నేను అనుగమిస్తూ నాతో నేనే రమిస్తూ
వంటరినై అనవరతం కంటున్నాను నిరంతరం
కలల్ని కథల్ని మాటల్ని పాటల్ని
రంగుల్ని రంగవల్లుల్ని కావ్య కన్యల్ని ఆడపిల్లని

మింటికి కంటిని నేనై
కంటను మంటను నేనై
మింటికి కంటిని నేనై
కంటను మంటను నేనై
మంటల మాటున వెన్నెల నేనై
వెన్నెల పూతల మంటను నేనై
రవినై శశినై దివమై నిశినై
నాతో నేను సహగమిస్తూ నాతో నేనే రమిస్తూ
వంటరినై ప్రతినిమిషం కంటున్నాను నిరంతరం
కిరణాల్ని కిరణాల హరిణాల్ని హరిణాల చరణాల్ని చరణాల
చలనాన కనరాని గమ్యాల కాలాన్ని ఇంద్రజాలాన్ని

గాలి పల్లకీలోన తరలి నా పాట పాప ఊరేగి వెడలె
గొంతు వాకిలిని మూసి మరలి తను మూగబోయి నా గుండె మిగిలె
నా హృదయమే నా లోగిలి
నా హృదయమే నా పాటకి తల్లి
నా హృదయమే నాకు ఆలి
నా హృదయములో ఇది సినీవాలి