లోకాసమస్తా సుఖినోభవంతు ఆ వేదం మా ఎద నాదం

||ప|| |అతడు|
లోకాసమస్తా సుఖినోభవంతు ఆ వేదం మా ఎద నాదం
ఆ మాటకర్థం ఇదిగో ఇదంటూ చూపాలి మన జీవితం
అందరిలా నిద్దర్లో ఉండిపోక చీకటినే వేటాడుతాం
పాపాన్ని పసికట్టే చూపులతో పహారా కాస్తూనే ఉంటాం
||లోకాసమస్తా||
.
||చ|| |అతడు|
ఎప్పటికప్పుడు తప్పును తప్పని చెప్పక తప్పదుగా
పచ్చని పైరుకి పట్టిన చీడని తూల్చక తప్పదుగా
నీతికి చితిపెట్టే చేతికి నిప్పంటే చెబుతాం
నెత్తురు చవిచూపే కత్తికి నొప్పిని చూపెడతాం
చేస్తున్నాం ధర్మమని తోచిందేదోఫలితం ఏదైనా మేం సిద్ధం
.
||చ|| |అతడు|
అందరికీ అమృతం అందేలా గరళం సేవిస్తాం
అందరి భారం శిలువై మోసిన కరుణై గర్విస్తాం
రాత్రిని కరిగించే వేకువ కోసం మా పయనం
ధాత్రిని రక్షించే క్షాత్రవ సైన్యం మా ధైర్యం
||లోకాసమస్తా||