ఎవరో వస్తారని ఏదో చేస్తారని

ఎవరో వస్తారని ఏదో చేస్తారని
ఎదురు చూసి మోసపోకుమా
నిజము మరచి నిదురపోకుమా

బడులేలేని పల్లెటూళ్ళలో
బడులేలేని పల్లెటూళ్ళలో చదువేరాని పిల్లలకు
చవుడు రాలే చదువుల బడిలో
జీతాల్రాని పంతుల్లకు

చాలీ చాలని పూరిగుడిసెలో
చాలీ చాలని పూరిగుడిసెలో కాలేకడుపుల పేదలకు
మందులులేని ఆసుపత్రిలో
పడిగాపులు పడు రోగులకు

తరతరాలుగా మూఢాచారపు
వలలో చిక్కిన వనితలకు
అజ్ఞానానికి అన్యాయానికి
బలియైపోయిన పడతులకు

కూలిడబ్బుతో లాటరీ టికెట్ లాటరీ టికెట్
కూలిడబ్బుతో లాటరీ టికెట్ కొనే దురాశా జీవులకు
దురలవాట్లతో బాధ్యతా మరచి
చెడె నిరాశా జీవులకు

సేద్యంలేని బీడునేలలో
పనులే లేని ప్రాణులకు
పగలూ రేయీ శ్రమపడుతున్నా
ఫలితం దక్కని దీనులకు