03 October 2010

నీలో ఏముందో ఏమో మనసు నిన్నే వలచింది

నీలో ఏముందో ఏమో
మనసు నిన్నే వలచింది
సొగసులన్నీ కోరింది
నీలో ఏముందో ఏమో
మనసు నిన్నే వలచింది
సొగసులన్నీ ఇమ్మంది

నీ కాటుక కన్నులలో
చీకటి గుసగుసలు
నీ కమ్మని నవ్వులలో
వెన్నెల మిసమిసలు
నీ ఎదలో పూల పొదలే పూచి
మధువులు చిందాయి
నా మమతలు పెంచాయి

నీ అల్లరి చూపులకే
వళ్ళంతా గిలిగింత
నీ తుంటరి చేష్టలకే
మదిలో పులకింత
నీ వంపులలోనా సొంపులలోనా
వలకును వయ్యారం
అది వలపుల జలపాతం

నీ పరువం చూడనిచో
పొద్దే పోదుకదా
నీ పలుకులు వినకుంటే
నిదురే రాదుకదా
నీ సరసన లేని నిముషం కూడ
ఏదో వెలితిసుమా ఇక నీవే నేను సుమా

No comments:

                                                           Other Blogs తెలుగు పద్యాలు|బురిడి|అంబాజిపేట |Technology Tips