నవమి నాటి వెన్నెల నేను

నవమి నాటి వెన్నెల నేను
దసమి నాటి జాబిలి నీవు
కలుసుకున్న ప్రతిరేయీ కార్తీక పున్నమి రేయి

నీ వయసే వసంత రుతువై
నీ మనసే జీవన మధువై
నీ వయసే వసంత రుతువై
నీ మనసే జీవన మధువై
నీ పెదవే నా పల్లవి గా
నీ నగవే సిగ మల్లిక గా
చెరిసగమై యే సగమేదో మరచిన మన తొలి కలయికలో

నీ వొడిలో వలపును నేనై
నీ గుడిలో వెలుగే నేనై
నీ వొడిలో వలపును నేనై
నీ గుడిలో వెలుగే నేనై
అందాలే నీ హారతి గా
అందించే నా పార్వతి గా
మనమొకటై రసజగమేలే సరస మధుర సంగమ గీతికలో