01 August 2010

స్నేహానికన్నా మిన్న లోకాన లేదురా

స్నేహానికన్నా మిన్న లోకాన లేదురా
స్నేహానికన్నా మిన్న లోకాన లేదురా
కడదాక నీడలాగ నిను వీడిపోదురా
నీ గుండెలో పూచేటిది
నీ శ్వాసగ నిలిచేటిది
ఈ స్నేహమొకటేనురా
స్నేహానికన్న మిన్న లోకాన లేదురా

తులతూగే సంపదలున్నా
స్నేహానికి సరిరావన్న
పలుకాడే బంధువులున్నా
నేస్తానికి సరికారన్న
మాయ మర్మం తెలియని
చెలిమే ఎన్నడు తరగని పెన్నిధిరా
ఆ స్నేహమే నీ ఆస్తిరా
నీ గౌరవం నిలిపేనురా
సందేహమే లేదురా || స్నేహానికన్నా ||

త్యాగానికి అర్ధం స్నేహం
లోభానికి లొంగదు నేస్తం
ప్రాణానికి ప్రాణం స్నేహం
రక్తానికి రక్తం నేస్తం
నీది నాదను భేదం లేనిది
నిర్మలమైనిది స్నేహమురా
ధ్రువతారలా స్థిరమైనది
ఈ జగతిలో విలువైనది
ఈ స్నేహమొకటేనురా || స్నేహానికన్నా ||

No comments:

                                                           Other Blogs తెలుగు పద్యాలు|బురిడి|అంబాజిపేట |Technology Tips