28 August 2010

మధురానుభవమా ప్రేమా

మధురానుభవమా ప్రేమా - మతిలేని తనమా ప్రేమా
నువ్వు తేల్చగలవా కాలమా
మృదువైన స్వరమా ప్రేమా - పదునైన శరమా ప్రేమా
బదులీయగలవా దైవమా

కోనేటి కలువా ప్రేమా - కన్నీటి కొలువా ప్రేమా
బతికించు చలువా ప్రేమా - చితి పేర్చు శిలువా ప్రేమా
ఎడబాటు పేరే ప్రేమా - పొరబాటు దారే ప్రేమా
బదులీయమంటే మౌనమా ||మధురానుభవమా||

అరణ్యాల మార్గం నువ్వు - అసత్యాల గమ్యం నువ్వు
పడదోసి మురిసే ప్రణయమా
విషాదాలా రాగం నువ్వు - వివాదాల వేదిక నువ్వు
కన్నీరు కురిసే మేఘమా
ఎదురీత కోరే ప్రేమా - ఎదకోత లే నీ సీమా
నిను చేరు కుంటే నేరమా ||మధురానుభవమా||

నడియేట నావై నీవు - సుడి లోన పడదోస్తావు
కడదాకా తోడై ఉండవు
విడదీయు బలి నే నీవు - విజయాలు అనుకుంటావు
ముడి వేయు మంత్రం ఎరగవు
ఎదురీత కోరే ప్రేమా - ఎదకోత లే నీ సీమా
నిను చేరు కుంటే నేరమా

No comments:

                                                           Other Blogs తెలుగు పద్యాలు|బురిడి|అంబాజిపేట |Technology Tips