తెలిసిందిలే తెలిసిందిలే నెలరాజ నీ రూపు తెలిసిందిలే

తెలిసిందిలే తెలిసిందిలే నెలరాజ నీ రూపు తెలిసిందిలే ||2||

చలిగాలి రమ్మంటు పిలిచిందిలే
చెలిచూపు నీపైన నిలిచిందిలే ||2||
ఏముందిలే ఇపుడేముందిలే ||2||
మురిపించు కాలమ్ము ముందుందిలే నీ ముందుందిలే ||తెలి||



వరహాల చిరునవ్వు కురిపించవా
పరువాల రాగాలు పలికించవా ||2||
ఔనందునా కాదందునా ||2||
అయ్యారె విధి లీల అనుకొందునా అనుకొందునా ||తెలి||


సొగసైన కనులేమొ నాకున్నవి
చురుకైన మనసేమొ నీకున్నదీ ||2||
కనులేమిటో ఈ కథ ఏమిటో ||2||
శృతి మించి రాగాన పడనున్నది పడుతున్నది

ఆ ఆ ఆ ఆ ఆ ఆ ఆ..

తెలిసిందిలే తెలిసిందిలే నెలరాజ నీ రూపు తెలిసిందిలే