అలక పానుపు ఎక్కనేల చిలిపి గోరింకా

అలక పానుపు ఎక్కనేల చిలిపి గోరింకా...ఆ..అలక చాలింకా...
బామ్మ: నాకలకేమిటే నీ మొహం ఊరుకో...
అలక పానుపు ఎక్కనేల చిలిపి గోరింకా...ఆ..అలక చాలింకా...
శీతాకాలం సాయంకాలం...మ్ మ్...
శీతాకాలం సాయంకాలం...మ్ మ్...
అటు అలిగిపోయే వేళా చలికొరికి చంపే వేళా... ఆఆ....
బామ్మ: అందుకే లోపలికి పోతానే తల్లి నన్నొదులు....

||అలకపానుపు||

రామ రామ శబరి బామ్మ నిద్దరేపోదూ..!!
బామ్మ: హూ నువ్విట్టా ఇంతగొంతేసుకుని పాడితే నిద్దరెట్టాపడుతుందే...
రాతిరంతా చందమామ నిదరపోనీదు...ఊ..ఊ...
కంటి కబురా పంప లేనూ...ఊ...
ఇంటి గడపా దాటలేనూ..ఊ..
ఆ దోర నవ్వు దాచకే.. నా నేరమింకా ఎంచకే
ఆ దోర నవ్వు దాచకే.. ఈ నవ్వు నవ్వి చంపకే...

||అలకపానుపు||

రాసి ఉన్న నొసటి గీత చెరపనేలేరు...
రాయనీ ఆ నుదుటి రాతా రాయనూ లేరూ...
బామ్మ: ఆ రాతే రాసుంటే ఇంట్లో నే వెచ్చగా నిద్రోయేదాన్ని కదా
రాసి ఉన్న నొసటి గీత చెరపనేలేరు...
రాయనీ ఆ నుదుటి రాతా రాయనూ లేరూ...
నచ్చినా మహరాజు నీవూ...ఊ..
నచ్చితే మహరాణి నేను...
ఆ మాట ఏవిటో తెలిపితే నీ నోటి ముత్యం రాలునా...

బామ్మ:
అలకపానుపు నల్లి బాధ పిల్ల చిలకమ్మా... అల్లరాపమ్మ
శీతాకాలం సాయంకాలం శీతాకాలం సాయంకాలం
నను చంపకే తల్లీ జోకొట్టకే గిల్లీ...

||అలకపానుపు||