నిన్నే నిన్నే కోరా నిన్నే నిన్నే చేరా

నిన్నే నిన్నే కోరా నిన్నే నిన్నే చేరా
నిరంతరం నీ ధ్యానంలో నన్నే మరిచా
ప్రతి జన్మలోనా నీతో ప్రేమలోనా
ఇలా ఉండి పోనా ఓ ప్రియతమా
నచ్చావే.. నచ్చావే.. ఓ
నచ్చావే.. నచ్చావులే..

అనుకొని అనుకోగానే సరాసరి ఎదురవుతావు
వేరే పనేంలేదా నీకు నన్నే వదలవూ..
నువ్వు నాకు ఎందుకింత ఇష్టమంటే చెప్పలేను
మరువలేని నిన్ను నేను గుర్తురానే నాకు నేను
నీ మైకం కమ్ముకుంది ఈ రోజే నన్నిలా
ఈ లోకం కొత్తగుందీ సీతాకోకలాగా

నీతో ఏదో చెప్పాలంటూ పదే పదే అనిపిస్తుంది
పెదాలలో మౌనం నన్నే అపేస్తున్నదీ..ఓ.
మనసునేమో దాచమంటే అస్సలేమో దాచుకోదూ
నిన్ను చూస్తే పొద్దు పోదు చూడకుంటే ఊసుపోదూ
ఈ వైనం ఇంత కాలం నాలోనే లేదుగా
నువ్వు చేసే ఇంద్రజాలం భరించేదెలాగా

నిన్నే నిన్నే కోరా నిన్నే నిన్నే చేరా
నిరంతరం నీ ధ్యానంలో నన్నే మరిచా
ప్రతి జన్మలోనా నీతో ప్రేమలోనా
ఇలా ఉండి పోనా ఓ ప్రియతమా
నచ్చావే.. నచ్చావులే.. ఓ.
నచ్చావే.. నచ్చావులే..