పల్లవి
నీవేరా నా మదిలో - దేవా
తిరుమల వాసా! ఓ శ్రీనివాసా!
నీ పద దాసిని నేనేరా...
చరణం 1
ఎంతో మధురం నీ శుభనామం
జగతికి దీపం నీ దివ్యరూపం
ఆశల పూలే - దోసిట నింపే
వేచే భాగ్యము - నాదేరా
||నీవే||
చరణం 2
నీ మెడలోని కాంతులు చిందే
కాంచన హారం కాలేను నేను
నీ పదములపై చాలిన సుమమై
నిలిచే భారము నాదేరా...
||నీవే||
చరణం 3
నా జీవితం హారతి చేసి
నీ గుడి వాకిట నిలిచేను స్వామీ
నీ సన్నిధియే నా పెన్నిధిగా
మురిసే భాగ్యము నాదేరా
||నీవే||
No comments:
Post a Comment