కరిగేలోగ ఈ క్షణం

కరిగేలోగ ఈ క్షణం
గడిపేయాలి జీవితం
శిలగా మిగిలే నా హృదయం సాక్షిగా
కనులైపోయే సాగరం
అలలై పొంగే జ్య్నాపకం
కలలే జారే కన్నీరే చేరగా

గడిచే నిమిషం గాయమై
ప్రతీ గాయం ఒక గమ్యమై
ఆ గమ్యం నీ గుర్తుగా నిలిచే నా ప్రేమ
||కరిగేలోగ||

పరుగులు తీస్తూ అలసిన ఓ నది నేను
ఇరుతీరలలో దేనికి చేరువ కాను
నిదురను దాటి నడిచిన ఓ కల నేను
ఇరుకన్నుల్లో దేనికి సొంతం కాను
నా ప్రేమే నేస్తం అయ్యిందా
నా సగమేదో ప్రశ్నగా మారిందా
నేడియి బంధానికి పేరుందా
ఉంటే విడదీసే వీలుందా

||కరిగేలోగ||

అడిగినవన్నీ కాదని పంచిస్తూనే
మరు నిముషం లో అలిగే పసివాడివిలే
నీ పెదవులపై వాడని నవ్వుల పువ్వునే
నువ్వు పెంచావా నీ కన్నీటిని చల్లి
సాగే మీ జంటని చూస్తుంటే
నా బాధేన్తటి అందంగా ఉందే
ఈ క్షణమే నూరేళ్ళవుతానంటే
మరు జన్మే క్షణమైనా చాలన్తే

||కరిగేలోగ||
గడిచే నిమిషం గాయమై
ప్రతి గాయం ఒక గమ్యమై
ఆ గమ్యం నీ గుర్తుగా నిలిచే నా ప్రేమ