తెలుగు ఇంటి పెరటిలోన విరిసే మందారమా

తెలుగు ఇంటి పెరటిలోన విరిసే మందారమా
చిగురుమావి గుబురులొని కుహుకుహుల రాగమా
i am feeling feeling feeling where i am falling in love
అహ ప్రేమా ప్రేమా ప్రేమా అ౦టూ i want to live
ఈ ఊరిగాలి మంచి కబురు తెచ్చింది
కోరుకోని కాలమేమో కలిసొచ్చింది
నయగారా దారుల్లో ఉరికే జలపాతమా
న్యూజెర్సీ తోటల్లో అల్లుకున్న శాంతమా
i am feeling feeling feeling where i am falling in love
అహ ప్రేమా ప్రేమా ప్రేమా అ౦టూ i want to live
ఈ చిన్ని మాట నాకు భలే నచ్చింది
ఇంతవరకు లేని హాయి తెలిసొచ్చింది

జూలియట్ రోమియోల జంట లీల మనది
నలదమయంతిలోని పంతమేయిదీ
డ్రీములాండ్ నేల మీద ప్రేమకాండ మనది
యదుకుల వీధిలోని ప్రణయమే ఇదీ
దేశం మారినా ప్రేమరసం ఒక్కటే
కాలం మారినా కన్నెతనం ఒక్కటే
చనువే పెరిగినా చనువే మరిగినా
సరిగంగ స్నానాల వణుకు ఒక్కటే
వాల్ట్ డిస్నీ ఊహల్లో దాగిన సౌందర్యమా
పడమరమ్మ నుదిటిపైన మెరిసే సింధూరమా
i am feeling feeling feeling where i am falling in love
అహ ప్రేమా ప్రేమా ప్రేమా అ౦టూ i want to live

అంధ్ర పెదవి ఆంగ్ల పెదవి హత్తుకున్న నిమిషం
మధువుల ముంచుబ్రుంచు ముద్దులేసుమా
సీమరాణి గ్రామరాజు దగ్గరైన తరుణం
మనువుకు గ్రీన్ కార్డ్ సిద్ధమే సుమా
అతిధిగ వచ్చిన అమృతమే ఇవ్వనా
హృదయం అర్పణ ఈ క్షణమే చేయనా
కరగని కాంక్షతో వదలని దీక్షతో
వెయ్యేళ్ళు వెయ్యాలి వలపు వంతెనా
విజయనగర వీధుల్లో మెరిసే రవి కిరణమా
వాషింగ్టన్ డి.సి. లో కురిసే హిమ చైత్రమా
i am feeling feeling feeling where i am falling in love
అహ ప్రేమా ప్రేమా ప్రేమా అ౦టూ i want to live
ఈ చిన్ని మాట నాకు భలే నచ్చింది
కోరుకోని కాలమేమో కలిసొచ్చింది