మనసా చలించకే ఇకనైనా

మనసా చలించకే ఇకనైనా
క్షమించదే వేదనా
మమతే గతించెనా తనలోనా
జ్వలించకే నిలువునా

నీలో ప్రతి రంగు తన ముందే తలొంచినా
ముంచే ప్రతి అంచూ తన రూపం స్మరించినా

కల నిజమయే క్షణం కనులే వాలనీ
అడిగే వరానికే బదులే చేదెలా
వలపు తరిమినా వలలు విసిరినా దిశను మరిచి నది నడిచేనా
దరిని తడిమినా అలలు కడలివని తెలిసెను నీవలనా

కురిసే క్షణాలలో చినుకైనా వెలేయదా నింగిని
తడిసే వనాలలో తనులేకా కలే కదా ఆమని
సాగే నది ఇలనే ఎపుడైనా వెలేసెనా
దాటే నిశి లోనా నీడైనా వెన్నంటునా