హలో హలో ఓ అమ్మాయి పాత రోజులు మారాయి

పల్లవి

హలో హలో ఓ అమ్మాయి పాత రోజులు మారాయి
ఆడపిల్ల అలిగినచో వేడుకొనడు అబ్బాయి
ఓహొ బడాయి చాలోయి కోతలెందుకు పోవోయి
ఆదినుంచి లోకం‌లో ఆడవారిది పై చేయి

చరణం 1

నిజా నిజాలు తెలియకనే నిందవేసే పొరపాటు ||2||
నాటికీ నేటికీ మీకు అలవాటే
హలో హలో ఓ అమ్మాయి అవును మీదే పై చేయి

చరణం 2

బెట్టుచేసే మగవారి గుట్టు మాకు తెలుసోయి ||2||
మనసులూ మమతలూ పైకి వేషాలూ
ఓహొ బడాయి చాలోయి కోతలెందుకు పోవోయి

చరణం 3

లడాయి చేసే స్త్రీ జాతి రాకమానదు రాజీకి ||2||
గెలుపు కోసం మగవారు ||2||
కాళ్ళ బేరము లాడకపోరు
ఓహొ బడాయి చాలోయి కోతలెందుకు పోవోయి
హలో హలో ఓ అమ్మాయి అందుకొనుమా నా గుడ్‌బై