నవరస సుమ మాలికా

నవరస సుమ మాలికా .. నా జీవనాదార నవ రాగ మాలికా..
నవరస సుమ మాలికా ..

త్యాగయ్య క్షేత్రయ్య అన్నమయ్య .. తెలుగింటిలోన వెలిగించినా
తెలుగింటిలోన వెలిగించినా..నాధసుధామయ రస దీపికా ..

నవరస సుమ మాలికా ..


అందాలు అలలైన మందాకినీ .. మందార మకరంద రస వాహినీ
ఆమె చరణాలు అరుణకిరణాలు.. ఆమె నయనాలు నీల గగనాలు
ఆ జవ్వనాలు నా జన్మకు దొరికిన నైరుతి ఋతు పవనాలు
ఆ చిరునవ్వు .. లేత నెలవంక (2)
దిగి వచ్చేనేమో ఇలవంక ..

నవరస సుమ మాలికా .. నా జీవనాదార నవ రాగ మాలికా..
నవరస సుమ మాలికా ..

శృంగార రసరాజ కల్లోలిని..కార్తీక పూర్ణేందు కల్హరిని..
ఆమె అధరాలు ప్రణయ మధురాలు ..ఆమె చలనాలు శిల్ప గమనాలు
ఆ దర్శనాలు నా జన్మకు మిగిలిన సుందర సుఖ తరుణాలు..
ఆ కను చూపు.. నాకు కడదాక (2)
పిలుపైన లేని ప్రియలేఖ ..

నవరస సుమ మాలికా .. నా జీవనాదార నవ రాగ మాలికా..
నవరస సుమ మాలికా .. నవరస సుమ మాలికా ..