||పల్లవి||
ఈనాటి వరకు...... నా గుండెలయకు.......
ఈ వింత పరుగు ఇంత ఉరుకు లేనేలేదే ఏంటిలా
ఈ తీపిదిగులు..... మొదలైంది మొదలు......
ఎన్నెన్ని కలలు పట్టపగలు పుట్టుకొస్తుంటే ఎలా
ఈనాటి వరకు...... నా గుండెలయకు.......
ఈ వింత పరుగు ఇంత ఉరుకు లేనేలేదే ఏంటిలా
ఈ తీపిదిగులు..... మొదలైంది మొదలు......
ఎన్నెన్ని కలలు పట్టపగలు పుట్టుకొస్తుంటే ఎలా
అరెరే ఎన్నడు ఈ రంగులు నేను చూడనేలేదే
ఎగిరే ఊహలు ఈ వింతలు నాకు ఎదురుకాలేదే
మనసా....... ఆ........ఆ......... ||ఈనాటి వరకు||
||చరణం 1||
ప్రేమ అంటే ఏమిటంటే తెలిసేదాక తెలియదంతే
ఎవ్వరైనా ఎవరికైనా చెప్పలేని వింతే
ఎంతమాత్రం నమ్మనంటు నాలో నేను నవ్వుకుంటే
నన్ను సైతం వదలనంటు వచ్చి కమ్ముకుందే
కథలు విన్నా ఎదరే వున్నా ప్రేమ సంగతి తేలదుగా
అనుభవంతో చెబుతూ ఉన్నా ఋజువునేనేగా...... ||ఈనాటి వరకు||
||చరణం 2||
ఒక్కచోటే కలిసిఉన్నా తనతోపాటు ఇంతకాలం
ఒక్కసారి కలగలేదే నాకిలాంటి భావం
ఇప్పుడేగా తెలుసుకున్నా ఎగిరొచ్చాక ఇంతదూరం
ఎక్కడున్నా తానుకూడా పక్కనున్న సత్యం
కంటపడని ప్రాణంలాగా గుండెలోనే తానున్నా
జ్ఞాపకాలే తరిమేదాక గురుతురాలేదే.... ||ఈనాటి వరకు||
ఇప్పుడు 3000 పాటలకు పైగా సాహిత్యం...
No comments:
Post a Comment