అడిగావా మాటైనా

అడిగావా మాటైనా
వదిలావా జాడైనా
ఇపుడైనా నా మనసు
మగవాడా నీకే తెలుసు
తెలిసేలా ఏదైనా
పలికావా ఎపుడైనా
నీదేనా నా మనసు
నిజమెదో నీకూ తెలుసు
ఎలా ఎలా నువ్వు చేరావో నా వరకూ…
నువ్వే కదా నడిపించావు ప్రతి అడుగూ
ఆగవే ఓ చిరునవ్వా…
దాగలేనంటున్నావా
అలక తెర దాటిస్తావా..
కిలకిలా పైకొస్తావా…
తెలిసేలా ఏదైనా
పలికావా ఎపుడైనా
నీదేనా నా మనసు
నిజమేదో నీకూ తెలుసు

అన్నం కూడా తినక
కనురెప్పైనా పడక
ఉన్నానింకా నువ్వెళ్లిపోయాక
అన్యాయంగా అనమాక
వదిలానా ఒంటరిగా
నీ తలపుల్లో నిత్యం ఉన్నాగా
నీ వ్యాపకాలు ఎన్నున్నా
నా జ్ఞాపకాలు కొన్నైనా
నీకపుడపుడైనా ఎదురై వచ్చేనా
తన గుండెల సడినెవరైనా
గుర్తిస్తారా ఎపుడైనా
నువు మరుపొచ్చావా తలవాలనుకున్నా
కాదను నా కంటిలో నువ్వు నలుసైనా
నను ఇంకే వైపు చూణ్ణీకా..
జోరీగై నీ చెవిలో కొలువైపోనా
వేరెవ్వరి పేరూ విన్నీకా
తుమ్మెదై కాటేస్తున్నా
కమ్మగా ఉందనుకోనా
సంకెలై కట్టేస్తున్నా
చక్కగా బందీ కానా
అడిగావా మాటైనా
వదిలావా జాడైనా
ఇపుడైనా నా మనసు
మగవాడా నీకే తెలుసు

మళ్లీ కలిసేదాకా ఆశే మాత్రం లేక
గాల్లో తిరిగా దారేం తెలీక
సందేహం ఏం లేక
ఉందే అనుకున్నాగా
నేడో రేపో తప్పదు నీ రాక
నీ ప్రేమెంతటిదో తెలిసీ
నా ప్రేమకు రాదా జేలౌస్య్
ఆ నమ్మకమేదీ తనకని సిగ్గేసి
నీ సర్వం నాకిచ్చేసి
నను గర్వించేలా చేసి
మన చెలిమిని అలుసుగ చూడకు దయ చేసి
కాస్తైనా కలతలా తడిపడనీయకుండా
గొడుగవనా నీ నీడక్కూడా
దాస్తాగా నా మది చాటున జన్మంతా
నువ్వైనా నీక్కనపడకుండా
చేర్చుకో నీ చెరలోన
పారిపోనే నెరజాణా
ఎప్పుడూ సరదాకైనా
తప్పుకోకే ఇటు పైనా
అడిగావా మాటైనా
వదిలావా జాడైనా
ఇపుడైనా నా మనసు
మగవాడా నీకే తెలుసు