కన్నులకు చూపందం

కన్నులకు చూపందం
కవితలకు ఊహందం
చిరు నవ్వు చెలికందం
సిరిమల్లి సిగకందం

||కన్నులకు||

కిరణాలు రవికందం సెలయేరు భువికందం
మగువలకు కురులందం మమతలకు మనసందం
పుత్తడి కి మెరుపందం పున్నమి కి శశి అందం ||2||
నాదాలు శృతికందం రాగాలు కృతికందం

||కన్నులకు||

వేకువకు వెలుగందం రేయంత అతివందం
వేసవికి వెన్నెలందం ఆశలకు వలపందం
తలపులే మదికందం వయసుకే ప్రేమందం ||2||
పాటకే తెలుగందం శ్రీమతికి నేనందం

||కన్నులకు||