మంచుకొండల్లోన చంద్రమా చందనాలు చల్లిపో

ఆహా...ఆహా...ఆహా..

మంచుకొండల్లోన చంద్రమా చందనాలు చల్లిపో
మెచ్చిమేలుకున్న బంధమా అందమంత అల్లుకో
మొగ్గ ప్రాయంలో సిగ్గుతీరంలో మధురమీ సంగమం
కొత్త దాహంలొ వింత మోహంలో మనదిలే సంబరం
పల్లవించుతున్న ప్రణయమా మళ్ళీ మళ్ళీ వచ్చిపో
విన్నవించుకున్న పరువమా వెన్న ముద్దులిచ్చిపో
కొంటె రాగంలో జంట గానంలో వలపుకే వందనం


ఊపిరల్లే వచ్చి ఊసులెన్నో తెచ్చి
ఆడి పాడి పేదగుండె తట్టీ తట్టీ తట్టీ తట్టీ
నింగి రాలిపోని నేల తూలిపోని
వీడిపోని ప్రేమ గూడు కట్టీ కట్టీ కట్టీ కట్టీ
తోడై నువ్వుంటే నీడై నేనుంటా
లోకం నువ్వంట ఏకం కమ్మంటా
వలచి మరుజన్మలో గెలిచినిను చేరనా
యుగము క్షణమై సదా జగము మరపించనా
వెయ్యేళ్ళు వర్ధిల్లు కరగని చెరగని తరగని ప్రేమలలో


వెన్నెలమ్మ మొన్న కూనలమ్మ నిన్న
కన్నెవన్నెలన్ని చూసి గుచ్చి గుచ్చి గుచ్చి గుచ్చి
గున్నమావి కొమ్మా సన్నజాజి రెమ్మా
ముచ్చటాడే నిన్ను నన్ను మెచ్చి మెచ్చి మెచ్చి మెచ్చి
చిందే సింగారం సిగ్గే సింధూరం
పొంగే వైభోగం నాదే ఈ భాగ్యం
కలయికల కావ్యమై కలలు చిగురించెనా
శృతిలయల సూత్రమై ప్రియుని జత కోరనా
ఏడేడు లోకాల ఎల్లలు దాటిన అల్లరి ప్రేమలలో