04 December 2010

కిలకిల నవ్వే కోయిల కోసం వచ్చింది మధుమాసం

కిలకిల నవ్వే కోయిల కోసం వచ్చింది మధుమాసం
మిలమిల మెరిసే చంద్రుడి కోసం తెర తీసెను సాయంత్రం
జోలగ లాలించగ నీ నీడ దొరికింది
కమ్మగ కలలీయగ నీ తోడు నాకుంది
ఎద విల్లును వంచినవాడే నీరాముడు అన్నది మనసే
గుడి తలుపులు తీయక ముందే వరమిచ్చెను దేవత ఎదురై
నీవే ఆ చెలి ,నిజమేనా జాబిలి
కిలకిల నవ్వే కోయిల కోసం వచ్చింది మధుమాసం

ఎదురుచూపులో ఇంత తీపని తెలయలేదు మునుపు
ఎదురుచూడని ఇంత హాయిని మరిచిపోదు మనసు
ఒదిగివుండి నీ వాకిటిలో బదులుకోరి నే నిలుచున్నా
దారి తెలియని చీకటిలో వెలుగుచూసి కాదంటానా
ఊరించే ఇది ఏ మాసం
ప్రేమించే ప్రతి గుండెను అందెల సందడి చేసే హేమంతం ఇది
మన సొంతం అయినది

కిలకిల నవ్వే కోయిల కోసం వచ్చింది మధుమాసం
మిలమిల మెరిసే చంద్రుడి కోసం తెర తీసెను సాయంత్రం

మావితోట మగ పెళ్ళివారికి విడిది అంది చిలక
మనువు ముందరె మంతనాలకి కదిలె గోరువంక
జాబిలమ్మని జాజులతో తరలిరమ్మని అందామా
పేద మనసుకి పెళ్ళంటే అతిధులెవ్వరు రారమ్మ
నీకన్నా సిరులా మిన్న
ఓ మైనా మన మనువులు మెచ్చిన మనసులు పెట్టిన సుముహూర్తం ఇది
వధువై రానా మరి

కిలకిల నవ్వే కోయిల కోసం వచ్చింది మధుమాసం
మిలమిల మెరిసే చంద్రుడి కోసం తెర తీసెను సాయంత్రం
జోలగ లాలించగ నీ నీడ దొరికింది
కమ్మగ కలలీయగ నీ తోడు నాకుంది
ఎద విల్లును వంచినవాడే నీరాముడు అన్నది మనసే
గుడి తలుపులు తీయక ముందే వరమిచ్చెను దేవత ఎదురై
నీవే ఆ చెలి ,నిజమేనా జాబిలి

No comments:

                                                           Other Blogs తెలుగు పద్యాలు|బురిడి|అంబాజిపేట |Technology Tips