11 November 2010

నన్ను వదలి నీవు పోలేవులే అది నిజములే

నన్ను వదలి నీవు పోలేవులే అది నిజములే
పూవులేక తావి నిలువలేదులే లేదులే ||2||
తావిలేని పూవు విలువ లేనిదే ఇది నిజములే
నేను లేని నీవు లేనె లేవులే లేవులే

నా మనసే చిక్కుకొని నీ చూపుల వలలో
నా వయసు నా సొగసు నిండెను నీమదిలో ||2||
చిరకాలపు నా కలలే ఈనాటికి నిజమాయె ||2||
దూరదూర తీరాలు చేరువైపోయె ||తావిలేని||

సిగ్గుతెరలలో కనులు దించుకొని తలను వంచుకొని
బుగ్గమీద పెళ్ళిబొట్టు ముద్దులాడ ||2||
రంగులీను నీమెడలో బంగారపు తాళిగట్టి
పొంగిపోవు శుభదినము రానున్నదిలే
ఓ ||నన్ను వదలి||

తొలినాటి రేయి తడబాటు పడుతూ
మెల్లమెల్లగా నీవు రాగ
నీ మేని హొయలు నీలోని వగలు
నాలోన గిలిగింతలిడగా
హృదయాలు కలసి ఉయ్యాలలూగి
ఆకాశమే అందుకొనగా
పైపైకి సాగే మేఘాలదాటి
కనరాని లోకాలు కనగా
ఆహా ఓహో ఉహు ఆ ఓ
నిన్ను వదలి నేను పోలేనులే అది నిజములే
నీవు లేని నేను లేనె లేనులే లేనులే

No comments:

                                                           Other Blogs తెలుగు పద్యాలు|బురిడి|అంబాజిపేట |Technology Tips