09 November 2010

నెలరాజా పరుగిడకు చెలివేచే నాకొరకు

నెలరాజా పరుగిడకు
చెలివేచే నాకొరకు
ఒక్కమారు పోయి
చెలినిగాంచుమా
నివేదించుమా విరహమే || నెలరాజా ||

మబ్బులలో తళుకుమనే మెరుపేలే చెలి అందం
ముచ్చటగా ముత్యం లా మెరిస్పడే సఖి అందం ||2||
వాడిపోనిదీ వనిత యవ్వనం
ఆడిపాడితే కనుల నందనం
అణువణువు విరిసేదే లావణ్యం || నెలరాజా ||


ముంగిటనే రాచిలుకా పలికేనూ స్వాగతము
మురిపెముగా తమ రాకా నా చెలితో తెలిపేనూ ||2||
కొండవాగులా మల్లెతీగలా
పులకరించినా సన్నజాజిలా
విరహిణిలా వేచేను జవరాలే || నెలరాజా ||

No comments:

                                                           Other Blogs తెలుగు పద్యాలు|బురిడి|అంబాజిపేట |Technology Tips