09 November 2010

చుట్టూ పక్కల చూడరా చిన్న వాడా

చుట్టూ పక్కల చూడరా చిన్న వాడా
చుక్కల్లో చూపు చిక్కుకున్న వాడా
చుట్టూ పక్కల చూడరా చిన్న వాడా
చుక్కల్లో చూపు చిక్కుకున్న వాడా

కళ్ళ ముందు కటిక నిజం కాన లేని గుడ్డి జపం
సాధించదు ఈ పరమార్థం బ్రతుకుని కానీయకు వ్యర్థం
సాధించదు ఈ పరమార్థం బ్రతుకుని కానీయకు వ్యర్థం
చుట్టూ పక్కల చూడరా చిన్న వాడా
చుక్కల్లో చూపు చిక్కుకున్న వాడా

స్వర్గాలను అందుకొనాలని వడిగా గుడి మెట్లెక్కేవు
సాటి మనిషి వేదన చూసి జాలి లేని శిలవైనావు
కరుణను మరిపించేదా చదువూ సంస్కారం అంటే
గుండె బండగా మర్చేదా సంప్రదాయం అంటే
కరుణను మరిపించేదా చదువూ సంస్కారం అంటే
గుండె బండగా మర్చేదా సంప్రదాయం అంటే
చుట్టూ పక్కల చూడరా చిన్న వాడా
చుక్కల్లో చూపు చిక్కుకున్న వాడా

నువ్వు తినే ప్రతి ఒక మెతుకు ఈ సంఘం పండించింది
గర్వించే ఈ నీ బ్రతుకు ఈ సమాజమే మలచింది
రుణం తీర్చు తరుణం వస్తే తప్పించుకుపోతున్నావా
తెప్ప తగలపెట్టేస్తావా ఏరు దాట గానే
రుణం తీర్చు తరుణం వస్తే తప్పించుకుపోతున్నావా
తెప్ప తగలపెట్టేస్తావా ఏరు దాట గానే

చుట్టూ పక్కల చూడరా చిన్న వాడా
చుక్కల్లో చూపు చిక్కుకున్న వాడా

కళ్ళ ముందు కటిక నిజం కాన లేని గుడ్డి జపం
సాధించదు ఈ పరమార్థం బ్రతుకుని కానీయకు వ్యర్థం
సాధించదు ఈ పరమార్థం బ్రతుకుని కానీయకు వ్యర్థం

చుట్టూ పక్కల చూడర చిన్న వాడా
చుక్కల్లో చూపు చిక్కుకున్న వాడా

No comments:

                                                           Other Blogs తెలుగు పద్యాలు|బురిడి|అంబాజిపేట |Technology Tips