తుషార శీతల సరోవరాన
అనంత నీరవ నిశీధి లోన
ఈ కలువ నిరీక్షణ
నీ కొరకే రాజా!వెన్నెల రాజా!

కలనైన నీ వలపే!
కలవరమందైన నీ తలపే!

కలువ మిటారపు కమ్మని కలలు
కళలు కాంతులు నీ కొరకేలే
చెలి ఆరాధన శోధన నీవే
జిలిబిలి రాజా జాలి తలచరా!..

కనుల మనోహర మాధురి గాంచి
కానుక చేసే వేళకు సాచి
వాడే రేకుల వీడని మమతల
వేడుచు నీకై వేచి నిలచెద....

ఏమని పాడేదనో ఈ వేళ
మానసవీణ మౌనముగా
నిదురించిన వేళ ..

వనసీమలలోహాయిగా ఆడే
రాచిలుక నిను రాణిని చేసే
పసిడి తీగెల పంజరమిదుగో
పలుకవేమని పిలిచేవేళ

జగమే మరచి హృదయ విపంచి
గారడిగా వినువీధి చరించి
కలతనిదురలో కాంచిన కలలే
గాలిమేడలై కూలినవేళ..

మౌనమే నీ భాష ఒ మూగ మనసా

మౌనమే నీ భాష ఒ మూగ మనసా !
తలపులు ఎన్నెన్నోకలలుగా కంటావు
కల్లలు కాగానే కన్నేరౌతావు
౧.చీకటి గుహ నీవు
చింతల చెలి నీవు
నాటక రంగానివే మనసా
తెగిన పతంగానివే
ఎందుకు వలచేవో
ఎందుకు వగచేవో
ఎందుకు రగిలేవో
ఏమై మిగిలేవో ...
౨.కోర్కెల సెల నీవు
కూరిమి వల నీవు
ఉహాల ఉయ్యాలవే మనసా
మాయల దయ్యనివే
లేనిది కోరేవు
ఉన్నది వదిలేవు
ఒక పొరపాటుకు యుగములు వగచేవు....

గాలికి కులమేది?
నేలకు కులమేది?
నింగికి మరుగేది?ఏది?
కాంతికి నేలవేది?
౧ పాలకు ఒకటే..తెలివర్ణం
ఏది..ప్రతిభకు కలదా కలబెధం
వీరులకేందుకు కులబేదం.
అది మనసుల చీల్చెడు మతబెధం...
౨జగమున యసమే మిగులునులే
అది యుగములకైన చెదరదులే
దైవం నీలో నిలుచునులే
దర్మం నీతో నడచునులే ..

మధురమే సుధాగానం మనకిదే మరోప్రాణం

మధురమే సుధాగానం మనకిదే మరోప్రాణం
మదిలో మొహన గీతం మెదిలే తొలి సంగీతం
మధురమే సుధాగానం మనకిదే మరోప్రాణం
మదిలో మొహన గీతం మెదిలే తొలి సంగీతం

చరణాలు ఎన్నివున్నా పల్లవొకటే కదా
కిరణాలు ఎన్ని వున్నా వెలుగొక్కటేకదా
శతకోటి భావాలన్ని పలుకు ఎద మారునా
సరిగమలు మారుతున్న మధురిమలు మారునా

మధురమే సుధాగానం మనకిదే మరోప్రాణం
మదిలో మొహన గీతం మెదిలే తొలి సంగీతం

వేవేల తారలున్నా నింగి ఒకటే కదా
ఎన్నెన్ని దారులున్నా గమ్యమొకటే కదా
ఎన్నెని రాగలకు నాదమొకటే కదా
అనుభూతులెన్ని వున్నా హృదయమొకటే కదా

మధురమే సుధాగానం మనకిదే మరోప్రాణం
మదిలో మొహన గీతం మెదిలే తొలి సంగీతం
మధురమే సుధాగానం మనకిదే మరోప్రాణం
మదిలో మొహన గీతం మెదిలే తొలి సంగీతం
మదిలో మొహన గీతం మెదిలే తొలి సంగీతం

తోటలో నా రాజు తొంగి చూసెను నాడు

తోటలో నా రాజు తొంగి చూసెను నాడు
నీటిలో ఆ రాజు నీడ నవ్వెను నేడు
తోటలో నా రాజు తొంగి చూసెను నాడు
నీటిలో ఆ రాజు నీడ నవ్వెను నేడు

నవ్వులా అవి కావు
నవ్వులా అవి కావు నవ పారిజాతాలు
నవ్వులా అవి కావు నవ పారిజాతాలు
రవ్వంత సడి లేని రస రమ్య గీతాలు
రవ్వంత సడి లేని రస రమ్య గీతాలు
ఆ రాజు ఈ రోజు అరుదెంచునా
ఆ రాజు ఈ రోజు అరుదెంచునా
అపరంజి కలలన్ని చిగురించునా

తోటలో నా రాజు తొంగి చూసెను నాడు
నీటిలో ఆ రాజు నీడ నవ్వెను నేడు

చాటుగా పొదరింటి మాటుగా ఉన్నాను
చాటుగా పొదరింటి మాటుగా ఉన్నాను
పాటలాధర రాగ భావనలు కన్నాను
చాటుగా పొదరింటి మాటుగా ఉన్నాను
చాటుగా పొదరింటి మాటుగా ఉన్నాను
పాటలాధర రాగ భావనలు కన్నాను
ఎల నాగ నయనాల కమలాలలో దాగి
ఎల నాగ నయనాల కమలాలలో దాగి
ఎదలోన కదలే తుమ్మెద పాట విన్నాను
ఎదలోన కదలే తుమ్మెద పాట విన్నాను
ఆ పాట నాలో తీయగ మ్రోగనీ
ఆ పాట నాలో తీయగ మ్రోగనీ
అనురాగ మధుధారయై సాగనీ
ఉహు ఉహు ఉహు ఉహు ఉహు

తోటలో నా రాజు తొంగి చూసెను నాడు
నీటిలో ఆ రాజు నీడ నవ్వెను నేడు

ఔనే చెలియ సరి సరి

ఔనే చెలియ సరి సరి
ఆ హంసల నడకలిప్పుడా సొగసరి
ఔనే చెలియ సరి సరి
ఆ హంసల నడకలిప్పుడా సొగసరి
ఔనే చెలియ సరి సరి

ఆమ్మచెల్ల తెలిసేది ఎన్నెలాడి వగలు
ఎన్నదిలో దాచాలని కమ్మని కోరికలు
వాలుకన్ను రెప్పలలో వాలాడే తొందరలో
వాలుకన్ను రెప్పలలో వాలాడే తొందరలో
దోరపెదవి అంచుల చిరునవ్వుల దోబూచులు
ఔనే చెలియ సరి సరి
ఆ హంసల నడకలిప్పుడా సొగసరి
ఔనే చెలియ సరి సరి

పవళింపుల గదిలో ప్రణయరాజ్యమేలాలని
పవళింపుల గదిలో ప్రణయరాజ్యమేలాలని
నవమల్లెల పానుపుపై నవమదనుడు త్వరపడునే
నవమల్లెల పానుపుపై నవమదనుడు త్వరపడునే
చెరిపడనీవే సుంత ఉహు చీరచెరకు గుసగుసలు
ఓ చెరిపడనీవే సుంత చీరచెరకు గుసగుసలు
రవళ అందె మువలూదే రాగరహస్యాలు

ఔనే చెలియ సరి సరి
ఆ హంసల నడకలిప్పుడా సొగసరి
ఔనే చెలియ సరి సరి

ఏ చోట దాచేవే ఈవరకి సిగ్గులు
ఈ చెక్కిటిపై ఈ గులాబి నిగ్గులు
ఏ చోట దాచేవే ఈవరకి సిగ్గులు
ఈ చెక్కిటిపై ఈ గులాబి నిగ్గులు
మాపటి బిడియాలన్ని రేపటికి వుండవులే
మాపటి బిడియాలన్ని రేపటికి వుండవులే
నేటి సోయగాలు మరునాటికి ఒడిలేనులే

ఔనే చెలియ సరి సరి
ఆ హంసల నడకలిప్పుడా సొగసరి
ఔనే చెలియ సరి సరి

ఎంత దూరమో అది ఎంత దూరమో

ఎంత దూరమో అది ఎంత దూరమో
ఎంత దూరమో అది ఎంత దూరమో
పరిమలించు పానుపులకు నిరీక్షిణ్చు చూపులకు
వేసిన తలుపులకు వేచిన తలపులకు
ఎంత చేరువో అది ఎంత దూరమో
ఎంత దూరమో అది ఎంత దూరమో

ఉదయనించే కిరణాలకు ఉప్పొంగే కెరటాలకు
కలలుగనే చెలునికి కలతపడే చెలియకు
ఎంత చేరువో అది ఎంత దూరమో
ఎంత దూరమో అది ఎంత దూరమో
ఎంత దూరమో అది ఎంత దూరమో

మనసు పడని సంపంగికి మరులు విడని భ్రమరానికి
మనసు పడని సంపంగికి మరులు విడని భ్రమరానికి
ఉన్నదానికి అనుకున్నదానికి
ఎంత చేరువో అది ఎంత దూరమో
ఎంత దూరమో అది ఎంత దూరమో
ఎంత దూరమో అది ఎంత దూరమో

అల్లనాటి ఆశలకు అణగారిన బాసలకు
అల్లనాటి ఆశలకు అణగారిన బాసలకు
మరువరాని అందానికి చెరిగిపోని బంధానికి
ఎంత చేరువో అది ఎంత దూరమో
ఎంత దూరమో అది ఎంత దూరమో

ఒక దీపం వెలిగింది ఒక రూపం వెలసింది

ఒక దీపం వెలిగింది ఒక రూపం వెలసింది
ఒక దీపం అలిగింది ఒక రూపం తొలగింది
ఒక దీపం అలిగింది ఒక రూపం తొలగింది
వేకువ ఇక లేదని తెలిసి చీకటితో చేతులు కలిపి
వేకువ ఇక లేదని తెలిసి చీకటితో చేతులు కలిపి
ఒక దీపం అలిగింది ఒక రూపం తొలగింది

మంచు తెరలే కరిగిపోగా మనసు పొరలే విరిసిరాగా
మంచు తెరలే కరిగిపోగా మనసు పొరలే విరిసిరాగా
చెలిమి పిలుపే చేరుకోగ చెలియ వలపే నాదికాగా
అనురాగపు మాలికలల్లి అణువణువున మధువులు చల్లి
అనురాగపు మాలికలల్లి అణువణువున మధువులు చల్లి
ఒక ఉదయం పిలిచింది ఒక హృదయం ఎగిసింది

నింగి అంచులు అందలేక నేలపైన నిలువరాక
నింగి అంచులు అందలేక నేలపైన నిలువరాక
కన్నె కలలే వెతలుకాగా ఉన్న రెక్కలు చితికిపోగా
కనిపించని కన్నీట తడిసి బడబానల మెడలో ముడిచి
కనిపించని కన్నీట తడిసి బడబానల మెడలో ముడిచి
ఒక ఉదయం ఆగింది ఒక హృదయం ఆరింది
ఒక ఉదయం ఆగింది ఒక హృదయం ఆరింది
ఒక దీపం వెలిగింది

ప్రతి రాత్రి వసంత రాత్రి ప్రతి గాలి పైరగాలి

ప్రతి రాత్రి వసంత రాత్రి ప్రతి గాలి పైరగాలి
ప్రతి రాత్రి వసంత రాత్రి ప్రతి గాలి పైరగాలి
బ్రతుకంతా ప్రతి నిముషం పాట లాగ సాగాలి
ప్రతి నిముషం ప్రియా ప్రియా పాట లాగ సాగాలి
ప్రతి రాత్రి వసంత రాత్రి ప్రతి గాలి పైరగాలి

నీలో నా పాట కదలి నాలో నీ అందె మెదలి
నీలో నా పాట కదలి నాలో నీ అందె మెదలి
లోలోన మల్లె పొదలా పూలెన్నో విరిసి విరిసి
లోలోన మల్లె పొదలా పూలెన్నో విరిసి విరిసి
మనకోసం ప్రతి నిమిషం మధుమాసం కావాలి
మనకోసం ప్రియా ప్రియా మధుమాసం కావాలి
ప్రతి రాత్రి వసంత రాత్రి ప్రతి గాలి పైరగాలి

ఒరిగింది చంద్రవంక వయ్యారి తార వంక
ఒరిగింది చంద్రవంక వయ్యారి తార వంక
విరజాజి తీగ సుంత జరిగింది మావి చెంత
విరజాజి తీగ సుంత జరిగింది మావి చెంత
నను జూచి నిను జూచి వనమంతా వలచింది
నను జూచి ప్రియా ప్రియా వనమంతా వలచింది

ప్రతి రాత్రి వసంత రాత్రి ప్రతి గాలి పైరగాలి
బ్రతుకంతా ప్రతి నిముషం పాట లాగ సాగాలి, పాట లాగ సాగాలి

ఈనాటి ఈ బంధమేనాటిదో

ఈనాటి ఈ బంధమేనాటిదో
ఏనాడు పెనవేసి ముడి వేసెనో ఓ
ఈనాటి ఈ బంధమేనాటిదో
ఏనాడు పెనవేసి ముడి వేసెనో ఓ
ఈనాటి ఈ బంధమేనాటిదో

మబ్బులు కమ్మిన ఆకాశం మనువులు కలసిన మనకోసం
మబ్బులు కమ్మిన ఆకాశం మనువులు కలసిన మనకోసం
కలువల పందిరి వేసింది తొలి వలపుల చినుకులు చిలికింది
కలువల పందిరి వేసింది తొలి వలపుల చినుకులు చిలికింది

ఈనాటి ఈ బంధమేనాటిదో
ఏనాడు పెనవేసి ముడి వేసెనో ఓ
ఈనాటి ఈ బంధమేనాటిదో

నీ జతలో చల్లదనం నీ ఒడిలో వెచ్చదనం
నీ జతలో చల్లదనం నీ ఒడిలో వెచ్చదనం
నీ చేతలలో చిలిపితనం చిత్తంలో వలపుధనం
నీ చేతలలో చిలిపితనం చిత్తంలో వలపుధనం
అనుభవించి దినం దినం పరవశించనా
పరవశించి క్షణంక్షణం కలవరించనా

ఈనాటి ఈ బంధమేనాటిదో
ఏనాడు పెనవేసి ముడి వేసెనో ఓ
ఈనాటి ఈ బంధమేనాటిదో

ఎవరు పిలిచారనో ఏమి చూడాలనో
ఎవరు పిలిచారనో ఏమి చూడాలనో
ఉప్పొంగి ఉరికింది గోదావరీ గోదావరి
చెలికాని సరసలో సరికొత్త వధువులో
చెలికాని సరసలో సరికొత్త వధువులో
తొలినాటి భావాలు తెలుసుకోవాలని ఉప్పొంగి ఉరికింది గోదావరీ

ఈనాటి ఈ బంధమేనాటిదో
ఏనాడు పెనవేసి ముడి వేసెనో ఓ
ఈనాటి ఈ బంధమేనాటిదో

గౌరమ్మా నీ మొగుడెవరమ్మా

హెయ్ గౌరమ్మా నీ మొగుడెవరమ్మా
ఎవరమ్మా వాడెవరమ్మా
గౌరమ్మా నీ మొగుడెవరమ్మా

సెప్పాలంటే సిగ్గు కదయ్యా
ఆనవాళ్ళు నే సెబుతానయ్య
సెప్పు సెప్పు
సిగలో నెలవంక మెడలో నాగరాజు
సిగలో నెలవంక మెడలో నాగరాజు
ఆ రేడు నావాడు సరిరారు వేరెవరు

మావయ్యా నా మొగుడెవరయ్యా
ఎవరయ్యా వేరెవరయ్యా
మావయ్యా నా మొగుడెవరయ్యా

ఇల్లు వాకిలి లేనీవాడులే నీ వాడు లేనీవాడు
బిచ్చమెత్తుకొని తిరిగేవాడు మాతా కాళం
ఇల్లు వాకిలి లేనీవాడులే నీ వాడు లేనీవాడు
ఎగుడు దిగుడు కన్నులవాడు జంగందేవర నీ వాడా

గౌరమ్మా నీ మొగుడెవరమ్మా
ఎవరమ్మా వాడెవరమ్మా
గౌరమ్మా నీ మొగుడెవరమ్మా

ఆకశమే ఇల్లు లోకమే వాకిలి అవును
బిచ్చమడిగేది భక్తి బదులు ఇచ్చేది ముక్తి
బిచ్చమడిగేది భక్తి బదులు ఇచ్చేది ముక్తి
బేసికన్నులే లేకుంటేను బెంబేలెత్తును ముల్లోకాలు

మావయ్యో నా మొగుడెవరయ్యా
ఎవరయ్యా వేరెవరయ్యా
మావయ్యా నా మొగుడెవరయ్యా

మొగుడు మొగుడని మురిసావే కులికావే పొగిడావే
మొగుడు మొగుడని మురిసావే కులికావే పొగిడావే
పిల్లోయ్ నెత్తిని ఎవరినో ఎత్తుకొని నిత్యం దానినే కొలుసునట
అదియే ఆతని ఆలియట కోతలు ఎందుకు కోస్తావే
కోతలు ఎందుకు కోస్తావే

గౌరమ్మా నీ మొగుడెవరమ్మా
ఎవరమ్మా వాడెవరమ్మా
గౌరమ్మా నీ మొగుడెవరమ్మా

ఎవరో పిలిస్తె వచ్చింది ఎవరికోసమో పొతొంది
మయాన మజిలీ ఏసింది మయాన మజిలీ ఏసింది
సగం దేహమై నేనుంటే అది పెళ్ళామంటే చెల్లదులే
సగం దేహమై నేనుంటే అది పెళ్ళామంటే చెల్లదులే
పళ్ళు పదారు రాలునులే
పళ్ళు పదారు రాలునులే

మావయ్యో నా మొగుడెవరయ్యా
ఎవరయ్యా వేరెవరయ్యా
గౌరమ్మా నీ మొగుడెవరమ్మా
మావయ్యా గౌరమ్మా
మావయ్యా గౌరమ్మా

నా పాట నీ నోట పలకాల సిలక

నా పాట నీ నోట పలకాల సిలక
నా పాట నీ నోట పలకాల సిలక
నీ బుగ్గలో సిగ్గులొలకాల సిలక
నా పాట నీ నోట పలకాల చిలక
పలకాల సిలక
పలకాల చిలక
యహ చి కాదు
సి సి సిలక
పలకాల సిలక
ఆ
నీ బుగ్గలో సిగ్గులొలకాల సిలక
నీ బుగ్గలూ సిగ్గులొలకాల సిలక

పాట నువ్వు పాడాల పడవ నే నడపాల
పాట నువ్వు పాడాల పడవ నే నడపాల
నీటిలో నేను నీ నీడనే సూడాల
నీటిలో నేను నీ నీడనే సూడాల
నా నీడ సూసి నువ్వు కిల కిలా నవ్వాల
నా నీడ సూసి నువ్వు కిల కిలా నవ్వాల
పరవళ్ళ నురుగుల్ల గోదారి ఉరకాల
పరవళ్ళ నురుగుల్ల గోదారి ఉరకాల

నా పాట నీ నోట పలకాల సిలక
నీ బుగ్గలో సిగ్గులొలకాల సిలక

కన్నుల్లు కలవాల ఎన్నెల్లు కాయాల
కన్నుల్లు కలవాల ఎన్నెల్లు కాయాల
ఎన్నెలకే మనమంటె కన్నుకుట్టాల
ఎన్నెలకే మనమంటె కన్నుకుట్టాల
నీ పైట నా పడవ తెరసాప కావాల ఆ ఆ ఆ ఆ అ ఓ ఓ ఓ
నీ పైట నా పడవ తెరసాప కావాల
నీ సూపే సుక్కానిగ దారి సూపాల
నీ సూపే సుక్కానిగ దారి సూపాల

నా పాట నీ నోట పలకాల సిలక
నీ బుగ్గలో సిగ్గులొలకాల సిలక

మనసున్న మనుసులే మనకు దేవుళ్ళు
మనసు కలిసిననాడె మనకు తిరణాళ్ళు
మనసున్న మనుసులే మనకు దేవుళ్ళు
మనసు కలిసిననాడె మనకు తిరణాళ్ళు
సూరెచంద్రుల తోటి సుక్కల్ల తోటి
సూరెచంద్రుల తోటి సుక్కల్ల తోటి
ఆటాడుకుందాము ఆడనే ఉందాము
ఆటాడుకుందాము ఆడనే ఉందాము

నా పాట నీ నోట పలకాల సిలక
నీ బుగ్గలో సిగ్గులొలకాల సిలక
నీ బుగ్గలో సిగ్గులొలకాల సిలక

ముద్దబంతి పువ్వులో మూగకళ్ళ ఊసులో

ముద్దబంతి పువ్వులో మూగకళ్ళ ఊసులో
ముద్దబంతి పువ్వులో మూగకళ్ళ ఊసులో
ఎనక జనమ బాసలు ఎందరికి తెలుసులే
ముద్దబంతి పువ్వులో మూగకళ్ళ ఊసులో
ఎనక జనమ బాసలు ఎందరికి తెలుసులే

పూలదండలో దారం దాగుందని తెలుసును
పాలగుండెలో ఏది దాగుందో తెలుసునా ఆ ఆ ఆ ఆ ఆ ఆ
పూలదండలో దారం దాగుందని తెలుసును
పాలగుండెలో ఏది దాగుందో తెలుసునా
నవ్వినా ఎడ్చినా
నవ్వినా ఎడ్చిన కన్నీళ్ళే వస్తాయి
ఏ కన్నీటెనకాల ఎముందో తెలుసునా

ముద్దబంతి పువ్వులో మూగకళ్ళ ఊసులో
ఎనక జనమ బాసలు ఎందరికి తెలుసులే

మనసు మూగదే కాని బాసుండది దానికి
సెవులుండే మనసుకే ఇనిపిస్తుందా ఇది
మనసు మూగదే కాని బాసుండది దానికి
సెవులుండే మనసుకే ఇనిపిస్తుందా ఇది
ఎద మీద ఎదబెట్టి సొదలన్నీ ఇనుకో
ఇనుకొని బతుకును ఇంపుగా దిద్దుకో

ముద్దబంతి పువ్వులో మూగకళ్ళ ఊసులో
ఎనక జనమ బాసలు ఎందరికి తెలుసులే

ముక్కోటి దేవుళ్ళు మురిసి సూస్తుంటారు
ముందు జనమ బంధాలు ముడియేసి పెడతారు ఆ ఆ ఆ అ
ముక్కోటి దేవుళ్ళు మురిసి సూస్తుంటారు
ముందు జనమ బంధాలు ముడియేసి పెడతారు
కన్నోళ్ళ కన్నీళ్ళు కడుపుతీపి దీవెనలు
కన్నోళ్ళ కన్నీళ్ళు కడుపుతీపి దీవెనలు
మూగమనసు బాసలు ఈ మూగమనసు బాసలు
మీకిద్దరికి సేసలు

ముద్దబంతి పువ్వులో మూగకళ్ళ ఊసులో
ఎనక జనమ బాసలు ఎందరికి తెలుసులే
ముద్దబంతి పువ్వులో ఓ ఓ ఓ

గోదారి గట్టుంది ,గట్టుమీన సెట్టుంది

ఓహూ ఓ ఓ హోయ్
ఓహొహూ ఓ ఓ ఓ

గోదారి గట్టుంది ,గట్టుమీన సెట్టుంది
సెట్టు కొమ్మన పిట్టుంది ,పిట్ట మనసులొ ఏముంది ఓ ఓ ఓ ఓ హోయ్
గోదారి గట్టుంది ,గట్టుమీన సెట్టుంది
సెట్టు కొమ్మన పిట్టుంది ,పిట్ట మనసులొ ఏముంది ఓ ఓ ఓ ఓ హోయ్

వగరు వగరుగ పొగరుంది, పొగరుకు తగ్గ బిగువుంది
వగరు వగరుగ పొగరుంది,పొగరుకు తగ్గ బిగువుంది
తీయ తీయగ సొగసుంది,సొగసుని మించె మంచుంది
తీయ తీయగ సొగసుంది,సొగసుని మించె మంచుంది ఈ ఈ
గోదారి గట్టుంది ,గట్టుమీన సెట్టుంది
సెట్టు కొమ్మన పిట్టుంది, పిట్ట మనసులొ ఏముంది ఓ ఓ ఓ ఓ హోయ్

ఎన్నెల వుంది, ఎండ వుంది,పూవు వుంది, ముల్లుంది
ఎన్నెల వుంది, ఎండ వుంది,పూవు వుంది, ముల్లుంది
ఏది ఎవ్వరికి ఇవ్వాలో ,ఇడమరిసే ఆ ఇది వుంది
గోదారి గట్టుంది ,గట్టుమీన సెట్టుంది
సెట్టు కొమ్మన పిట్టుంది, పిట్ట మనసులొ ఏముంది ఓ ఓ ఓ ఓ హోయ్

పిట్ట మనసు పిసరంతైనా,పెపంచమంతా దాగుంది
పిట్ట మనసు పిసరంతైనా,పెపంచమంతా దాగుంది
అంతు దొరకని నిండు గుండెలో ,ఎంత తోడితే అంతుంది
అంతు దొరకని నిండు గుండెలో ,ఎంత తోడితే అంతుంది ఈ ఈ ఈ

గోదారి గట్టుంది ,గట్టుమీన సెట్టుంది
సెట్టు కొమ్మన పిట్టుంది, పిట్ట మనసులొ ఏముంది ఓ ఓ ఓ ఓ హోయ్

ముక్కు మీద కోపం నీ ముఖానికే అందం

ముక్కు మీద కోపం నీ ముఖానికే అందం
నా బుంగమూతి సందం నీ ముందరి కాళ్ళ బంధం ఉహు ఉహు ఉహు
ఆ ముక్కు మీద కోపం నీ ముఖానికే అందం
నా బుంగమూతి సందం నీ ముందరి కాళ్ళ బంధం

అడపదడప ఇద్దరు అలిగితనే అందం
అడపదడప ఇద్దరు అలిగితనే అందం
అలక తీరి కలిసేదే అందమైన బంధం
అలక తీరి కలిసేదే అందమైన బంధం
ఆ ముక్కు మీద కోపం నీ ముఖానికే అందం
నా బుంగమూతి సందం నీ ముందరి కాళ్ళ బంధం

చిన్నదాని బుగ్గలకు సిగ్గొస్తే అందం
చిన్నదాని బుగ్గలకు సిగ్గొస్తే అందం
బుగ్గమీద సిటికేటి దగ్గరొస్తే బంధం
ఆ బుగ్గమీద సిటికేటి దగ్గరొస్తే బంధం
హొయ్ ఆ ముక్కు మీద కోపం నీ ముఖానికే అందం
నా బుంగమూతి సందం నీ ముందరి కాళ్ళ బంధం

ఈడొచ్చిన పిల్లకు జోడుంటే అందం
ఈడొచ్చిన పిల్లకు జోడుంటే అందం
ఈడుజోడు కుదిరినాక మూడుముళ్ళే బంధం
ఈడుజోడు కుదిరినాక మూడుముళ్ళే బంధం
ఉహు ఉహు ఉహు
ముక్కు మీద కోపం నీ ముఖానికే అందం
నా బుంగమూతి సందం నీ ముందరి కాళ్ళ బంధం

తల్లి గోదారికి ఎల్లువొస్తే అందం
తల్లి గోదారికి ఎల్లువొస్తే అందం
ఎల్లువంటి బుల్లోడికి పిల్లగౌరి బంధం
ఎల్లువంటి బుల్లోడికి పిల్లగౌరి బంధం
డుర్ర్ ముక్కు మీద కోపం నీ ముఖానికే అందం
నా బుంగమూతి సందం నీ ముందరి కాళ్ళ బంధం
హొయ్ ముక్కు మీద కోపం నీ ముఖానికే అందం
నా బుంగమూతి సందం నీ ముందరి కాళ్ళ బంధం

జయకృష్ణా ముకుందామురారి జయగోవింద బృందా విహరీ

హే.....కృష్ణా.... ముకుందా....మురారీ....
జయకృష్ణా ముకుందామురారి
జయగోవింద బృందా విహరీ

జయ..

దేవకిపంట వసుదేవునిఇంటా
యముననునడిరేయి దాటితివంటా
వెలసితివంటా నందుని ఇంటా
వ్రేపల్లె ఇల్లాయేనంటా...ఆ..

జయ..

నీ పలుగాకి పనులకు గోపెమ్మ
కోపించి నినురోటబంధించెనంటా
ఊపునబోయీ మ్రాకులకూలిచి
శాపాలు బాపితివంటా....ఆ..

జయ..

అమ్మా తమ్ముడు మన్నుతినేనూ
చూడమ్మా అని రామన్న తెలుపగా
అన్నాయనిచెవినులిమి యశోద
యేదన్నా నీ నోరుచూపమనగా...ఆ...
చూపితివట నీ నోటను
బాపురే పదునాల్గు భువనభాండమ్ముల
ఆ రూపము గనిన యశోదకు
తాపము నశియించి జన్మ ధన్యత గాంచేన్

జయ..

కాళీయ ఫణిపణ జాలాన ఝణఝణ
కేళీగటించిన గోపకిషోరా
కంసాదిదానన గర్వాపహరా
హింసావిదూరా పాపవిహారా

జయ..


కస్తూరి తిలకం లలాట పలకే
వక్షస్థలే కౌస్తుభం నాసాగ్రే నవమౌక్తికం
కరతలే వేణుం కరేకంకణం
సర్వాంగే హరిచందనంచ కలయన్
కంఠేచ ముక్తావళిం గోపశ్రీ పరివేష్టితో
విజయతే గోపాల చూడామణి
లలిత లలిత మురళీ స్వరాళీ
పిలకిత వనపాళి గోపాళీ
మురళికృత నవరానకేళి
వనమాలీ శిఖిపించ మౌళీ
కృష్ణా ముకుందా మురారీ

అమ్మా అని అరిచినా ఆలకించవేమమ్మా

అమ్మా నాన్నా
అమ్మా
అమ్మా అని అరిచినా ఆలకించవేమమ్మా
ఆవేదన తీరురోజు ఈ జన్మకు లేదా
అమ్మా అని అరిచినా ఆలకించవేమమ్మా
ఆవేదన తీరురోజు ఈ జన్మకు లేదా
పదినెనలు నను మోసి పాలిచ్చి పెంచి
మదిరోయక నాకెన్నో వూడిగాలు చేసినా
ఓ తల్లీ నిను నలుగురిలో నగుబాటు చెసితీ
కలతకమ్మ తనయునీ తప్పులు క్షమియించవమ్మ

అమ్మా అమ్మా

దేహము విజ్ఞానము బ్రహ్మొపదేశమిచ్చి
ఇహపరాలు సాధించే హితమిచ్చె తండ్రివి..
తనుగానని కామమున నినువెడల నడిచితీ.
కనిపిస్తే కన్నీళ్ళతో కాళ్ళు కడుగుతా నాన్నా

నాన్నా నాన్నా

పారిపోతినమ్మా నాగతి ఎరిగితినమ్మా
నీ మాట దాటనమ్మ
ఒకమారు కనరమ్మా
మాతా పితా పాదసేవే మధవ సేవని మరువనమ్మ
మాతా పితా పాదసేవే మధవ సేవయని మరువనమ్మ
నన్ను మన్నిచగ రారమ్మా అమ్మా అమ్మా

అమ్మా

అమ్మా అని అరిచినా ఆలకించవేమమ్మా
ఆవేదన తీరురోజు ఈ జన్మకు లేదా

అమ్మా

అమ్మా అని అరిచినా ఆలకించవేమమ్మా
అమ్మా ఆలకించవేమమ్మా..
అమ్మా

తరం తరం నిరంతరం ఈ అందం

అహ్హహా అహ్హహా ఒహ్హొహొ హొ ఓ హొ హొ
తరం తరం నిరంతరం ఈ అందం ఒహ్హొ ఆనందం అందం ఆనందం
తరం తరం నిరంతరం ఈ అందం ఒహ్హొ ఆనందం అందం ఆనందం
ఆనందలీలే గోవింద రూపం ఈ మాట అంటే పెద్దలకు కోపం

తరం తరం నిరంతరం ఈ అందం ఒహ్హొ ఆనందం అందం ఆనందం


మోజులే రేపు చిరునవ్వు చిందులు
జాజిచెక్కిళ్ళ సోయగాల విందులు

ఓ ఓ ఓ మోజులే రేపు చిరునవ్వు చిందులు
జాజిచెక్కిళ్ళ సోయగాల విందులు

వరద పొంగేనులే వయసు సింగారము
అనుభవించీ సుఖించీ తరించరా

హేయ్ తరం తరం నిరంతరం ఈ అందం ఒహ్హొ ఆనందం అందం ఆనందం

మోహమూరించు పరువాల గోలకు
ముతక తెరచాటు అలవాటు లేలనే

మోహమూరించు పరువాల గోలకు
ముతక తెరచాటు అలవాటు లేలనే

నేడు వెనకాడినా రేపు ఒనగోడునా
అనుభవించీ సుఖించీ తరించరా

ఓయ్ తరం తరం నిరంతరం ఈ అందం ఒహ్హొ ఆనందం అందం ఆనందం
ఆనందలీలే గోవింద రూపం ఈ మాట అంటే పెద్దలకు కోపం

తరం తరం నిరంతరం ఈ అందం ఒహ్హొ ఆనందం అందం ఆనందం
అహ్హహా అహ్హహా ఒహ్హొహొ హొ ఓ హొ హొ

తెలుసుకొనవె యువతి అలా నడుచుకొనవె యువతీ

ఆ ఆ ఆ ఆ ఆ ఆ ఆ ఆ ఆ ఆ ఆ ఆ ఆ ఆ అ అ అ
తెలుసుకొనవె యువతి అలా నడుచుకొనవె యువతీ
తెలుసుకొనవె యువతి
యువకుల శాసించుటకే ఏ ఏ ఏ
యువకుల శాసించుటకే యువతులవతరించిరని
తెలుసుకొనవె యువతి అలా నడుచుకొనవె యువతీ
తెలుసుకొనవె యువతి

సాధింపులు బెదరింపులు ముదితలకిక కూడవనీ ఆ ఆ ఆ
సాధింపులు బెదరింపులు ముదితలకిక కూడవనీ
హృదయమిచ్చి పుచ్చుకొనే
హృదయమిచ్చి పుచ్చుకొనే చదువేదో నేర్పాలని

తెలుసుకొనవె యువతి అలా నడుచుకొనవె యువతీ
తెలుసుకొనవె యువతి

మూతి బిగింపులు అలకలు పాతపడిన విద్యలనీ ఆ ఆ ఆ
మూతి బిగింపులు అలకలు పాతపడిన విద్యలనీ
మగువలెపుడు మగవారిని
మగువలెపుడు మగవారిని చిరునవ్వుల గెలవాలని

తెలుసుకొనవె యువతి అలా నడుచుకొనవె యువతీ
తెలుసుకొనవె యువతి

సీతారాం సీతారాం సీతారాం జయ సీతారాం

సీతారాం సీతారాం సీతారాం జయ సీతారాం
సీతారాం సీతారాం సీతారాం జయ సీతారాం

పైన పటారం లోన లొటారం
ఈ జగమంత డంబాచారం

సీతారాం సీతారాం సీతారాం జయ సీతారాం

నీతులు పలుకుతూ ధర్మవిచారం
గోతులు తీసే గూడాచారం

సీతారాం సీతారాం సీతారాం జయ సీతారాం

చందాలంటు భలే ప్రచారం
వందలు వేలు తమ పలహారం

సీతారాం సీతారాం సీతారాం జయ సీతారాం

గుళ్ళో హాజరు ప్రతి శనివారం
గూడుపుఠాణి ప్రతాదివారం

సీతారాం సీతారాం సీతారాం జయ సీతారాం

డాబులు కొడుతు లోక విహారం
జేబులు కొట్టే ఘన వ్యాపారం

సీతారాం సీతారాం సీతారాం జయ సీతారాం

టాకు టీకుల టక్కు టమారం
కలికాలం మన గ్రహచారం

సీతారాం సీతారాం సీతారాం జయ సీతారాం
సీతారాం సీతారాం సీతారాం జయ సీతారాం
సీతారాం జయ సీతారాం రం సీతారాం జయ సీతారాం

రాగ సుధారసా పానము చేసి రాజిల్లవే ఓ మనసా

ఆ ఆ ఆ

రాగ సుధారసా పానము చేసి రాజిల్లవే ఓ మనసా
రాగ సుధారస
రాగ సుధారసా పానము చేసి రాజిల్లవే ఓ మనసా
రాగ సుధారస

యాగ యోగ త్యాగా భోగ ఫల మోసంగే
యాగ యోగ త్యాగా భోగ ఫల మోసంగే

రాగ సుధారసా పానము చేసి రాజిల్లవే ఓ మనసా
రాగ సుధారస

సదాశివ మయమగు నాదోంకర స్వర
సదాశివ మయమగు నాదోంకర స్వర
విధులు జీవన్మూక్తు లని త్యాగరాజు తెలియు
విధులు జీవన్మూక్తు లని త్యాగరాజు తెలియు

రాగ సుధారసా పానము చేసి రాజిల్లవే ఓ మనసా
రాగ సుధారస

శ్రీ జానకి దేవి శ్రీమంతామనరే

శ్రీ జానకి దేవి శ్రీమంతామనరే
మహలక్ష్మి సుందర వదనాము గనరే
శ్రీ జానకి దేవి శ్రీమంతామనరే

పన్నీరు గంధాలు సఖిపైన చిలికించి
కానుకలు కట్నాలు చదివించరమ్మ
పన్నీరు గంధాలు సఖిపైన చిలికించి
కానుకలు కట్నాలు చదివించరమ్మ
మల్లె మొల్లల తరులు సఖి జడలో సవరించి
ఎల్లా వేడుకలిపుడు చేయించరమ్మ

శ్రీ జానకి దేవి శ్రీమంతామనరే
మహలక్ష్మి సుందర వదనాము గనరే
శ్రీ జానకి దేవి శ్రీమంతామనరే

కులుకుచూ కూర్చున్న కలికిని తిలకించి
అలుక చందగనీక అలరించరమ్మ
కులుకుచూ కూర్చున్న కలికిని తిలకించి
అలుక చందగనీక అలరించరమ్మ
కులమెల్ల దీవించు కొమరుని గనుమంచు
ఎల్ల ముత్తైదువులు దీవించరమ్మ

శ్రీ జానకి దేవి శ్రీమంతామనరే
మహలక్ష్మి సుందార వదనాము గనరే
శ్రీ జానకి దేవి శ్రీమంతామనరే

ఏమిటో ఈ మాయ ఓ చల్లని రాజా వెన్నెల రాజా

ఏమిటో ఈ మాయ ఓ చల్లని రాజా వెన్నెల రాజా
ఏమిటో నీ మాయ ఓ చల్లని రాజా వెన్నెల రాజా
ఏమిటో నీ మాయ

వినుటయె కాని వెన్నెల మహిమలు
వినుటయె కాని వెన్నెల మహిమలు
అనుభవించినే నెరుగనయా
అనుభవించినే నెరుగనయా
నీలో వెలసిన కళలు కాంతులు
నీలో వెలసిన కళలు కాంతులు
లీలగ ఇపుడె కనిపించెనయా

ఏమిటో ఈ మాయ ఓ చల్లని రాజా వెన్నెల రాజా
ఏమిటో నీ మాయ

కనుల కలికమిది నీ కిరణములే
కనుల కలికమిది నీ కిరణములే
మనసును వెన్నెగ చేసెనయా
మనసును వెన్నెగ చేసెనయా
చెలిమి కోరుతు ఏవో పిలుపులు
చెలిమి కోరుతు ఏవో పిలుపులు
నాలో నాకే వినిపించెనయా

ఏమిటో ఈ మాయ ఓ చల్లని రాజా వెన్నెల రాజా
ఏమిటో నీ మాయ

తెలుసుకొనవే చెల్లి అలా నడుచుకొనవే చెల్లీ

తెలుసుకొనవే చెల్లి అలా నడుచుకొనవే చెల్లీ
తెలుసుకొనవే చెల్లి
మగవారికి దూరముగ మగువలెపుడు మెలగాలని
మగవారికి దూరముగ మగువలెపుడు మెలగాలని
తెలుసుకొనవే చెల్లి అలా నడుచుకొనవే చెల్లీ

మనకు మనమె వారికడకు పని ఉన్న పోరాదని ఆ ఆ ఆ
మనకు మనమె వారికడకు పని ఉన్న పోరాదని
అలుసు చేసి నలుగురిలో చులకనగ చూసెదరని
అలుసు చేసి నలుగురిలో చులకనగ చూసెదరని

తెలుసుకొనవే చెల్లి అలా నడుచుకొనవే చెల్లీ
తెలుసుకొనవే చెల్లి

పదిమాటలకొక మాటయు బదులు చెప్పకూడదని ఆ ఆ ఆ
పదిమాటలకొక మాటయు బదులు చెప్పకూడదని
లేని పోని అర్ధాలను మన వెనుకనె చాటెదరని
లేని పోని అర్ధాలను మన వెనుకనె చాటెదరని

తెలుసుకొనవే చెల్లి అలా నడుచుకొనవే చెల్లీ
తెలుసుకొనవే చెల్లి

కరుణించు మేరిమాత శరణింక మేరిమాత

కరుణించు మేరిమాత శరణింక మేరిమాత
నీవే శరణింక మేరిమాత
కరుణించు మేరిమాత శరణింక మేరిమాత
నీవే శరణింక మేరిమాత

పరిశుద్దాత్మ మహిమ వర పుత్రుగంటివమ్మ ఆ ఆ
పరిశుద్దాత్మ మహిమ వర పుత్రుగంటివమ్మ
ప్రభు ఏసునాధు కృపచే మా భువికి కలిగే రక్ష ఆ ఆ

కరుణించు మేరిమాత శరణింక మేరిమాత
నీవే శరణింక మేరిమాత

తుది లేని దారిచేరి పరిహాసమాయే బ్రతుకు
తుది లేని దారిచేరి పరిహాసమాయే బ్రతుకు
క్షణమైన శాంతిలేదే దినదినము శోధానాయే

కరుణించు మేరిమాత శరణింక మేరిమాత
నీవే శరణింక మేరిమాత

ఈ నవనవాభ్యుదయ విశాల సృష్టిలో

ఆ ఆ ఆ
ఈ నవనవాభ్యుదయ విశాల సృష్టిలో ఓ ఓ
ఈ నవనవాభ్యుదయ విశాల సృష్టిలో చిత్రములన్నీ నావేలే
కావాలంటే ఇస్తాలే నావన్నీ ఇక నీవేలే
కావాలంటే ఇస్తాలే నావన్నీ ఇక నీవేలే

ఆ ఆ ఆ ఆ
తలుకు తలుకుమని తారలు మెరిసే
నీలాకశము నాదేలే
ఎల్లరి వనముల కలవర పరిచే
జిలిబిలి జాబిలి నాదేలే

కావాలంటే ఇస్తాలే నావన్నీ ఇక నీవేలే
కావాలంటే ఇస్తాలే నావన్నీ ఇక నీవేలే

ఆ ఆ ఆ ఆ
ప్రశాంత జగమును హుషారు చేసే
వసంత ఋతువు నాదేలే ఏ ఏ ఏ
పూవుల ఘుమ ఘుమ చల్లగ విసిరే ఏ
మలయమారుతము నాదేలే ఏ ఏ

కావాలంటే ఇస్తాలే నావన్నీ ఇక నీవేలే
కావాలంటే ఇస్తాలే నావన్నీ ఇక నీవేలే

పెళ్ళి చూసుకొని ఇల్లుచూసుకొని

ఓ భావి భారత భాగ్యవిధాతలారా..
యువతీ యువకులారా..
స్వానుభవమున చాటు నా సందేసమిదే..
వారేవా
తద్దినా తకద్దిన్న తాంగిడకిత తడికిడతకతోం..

పెళ్ళి చూసుకొని ఇల్లుచూసుకొని
చల్లగ కాలం గడపాలోయ్
ఎల్లరు సుఖము చూడాలోయ్
మీరెల్లరు హాయిగ వుండాలోయ్

కట్నాల మోజులో మన జీవితాలనే బలి చేసి
కాపురములు కూల్చు ఘనులకు సాస్తి కాగా
పట్నాల పల్లెల దేశ దేశాల
మన పేరు చెప్పుకొని ప్రజలు సుఖపడగా

తద్దినా తకద్దిన్న తాంగిడకిత తడికిడతకతోం..

ఇంటా బయట జంట కవులవలె అంటుకు తిరగాలొయ్
టరాం పం
ఇంటా బయట జంట కవులవలె అంటుకు తిరగాలొయ్
కంటిపాపలై దంపతులెపుడు చంటిపాపలను సాకలొయ్
కంటిపాపలై దంపతులెపుడు చంటిపాపలను సాకలొయ్

పెళ్ళి చూసుకొని
పెళ్ళి చూసుకొని ఇల్లుచూసుకొని
చల్లగ కాలం గడపాలోయ్
ఎల్లరు సుఖము చూడాలోయ్
మీరెల్లరు హాయిగ వుండాలోయ్

నవభావముల నవరాగముల నవజీవనమే నడపాలోయ్..
నవభావముల నవరాగముల నవజీవనమే నడపాలోయ్..
భావకవులవలె ఎవరికి తెలియని ఎవో పాటలు పాడాలోయ్..
భావకవులవలె ఎవరికి తెలియని ఎవో పాటలు పాడాలోయ్..

పెళ్ళి చూసుకొని
పెళ్ళి చూసుకొని ఇల్లుచూసుకొని
చల్లగ కాలం గడపాలోయ్
ఎల్లరు సుఖము చూడాలోయ్
మీరెల్లరు హాయిగ వుండాలోయ్

హాయిగా వుండాలోయ్