అందమైన వెన్నెలలోనా అచ్చ తెలుగూ పడుచువలే

అందమైన వెన్నెలలోనా అచ్చ తెలుగూ పడుచువలే
మల్లెపూల పందిరిలోకి నడచిరావే సరిగమలా
మనసు నిండా మరులు పండా పసిడి పల్లకి ఎక్కాలా
రాగాలె ఊగాల శివరంజనవ్వాల
గరిసదస గరిసదస
చల్లనైన వేకువలోన సంకురాతిరి వెలుగువలే
ముద్దబంతి ముగ్గులలోకి సాగిరారా మగసిరిలా
కనులనిండా కలలు పండ పూల పడవ నడపాలీ
అందాలే చిందాలి అపరంజినవ్వాలి
గరిసదస గరిసదస గరిసదస


నురుగు తరగల గోదారై వలపు మిలమిల మెరవాలా
ఒంపు సొంపుల సెలయేరై వయసు గల గల నవ్వాలా
కొమ్మ మీద కోకిలనై కొత్తరాగం పలకాల
గుడికి నేను దీపమునై కోటి వెలుగులు కురియాలా
కంటి పాపనై కాలి అందెనై కాలమంత కరగబోసి కాపు ఉండనా
సరిగ రిగప గపద పదస గరిసదస గరిసదస గరిసదస


ఇంధ్రధనసూ విరిసిందీ ఏడు అడుగులు నడవాలా
సంధ్య చుక్క నిలిచిందీ బుగ్గ చుక్క పెట్టాలా
ఈడు జోడు ఎలుగెత్తి ఏరువాక పాడాలా
తొడు నీడా ఇరువురమై గూటికందం తేవాలా
తీగ మల్లెనై తేనే జల్లునై కోరికంత కూడబెట్టి కొలువు చేయనా
సరిగ రిగప గపద పదస గరిసదస గరిసదస గరిసదస