ఎన్ని ఊసులో ఎద గూటిలో

ఎన్ని ఊసులో ఎద గూటిలో
మూగబోయెనే విధి ఆటలో
ఏడురంగుల హరివిల్లులలో .. ప్రేమ వర్ణమే ఏమైనదో
నిను చేరు దారేది .. నిను కోరు వరమేది

ఓ నేస్తమా .. ఓ నేస్తమా !
ఓ నేస్తమా.. ఓ నేస్తమా !!

ఎన్ని ఊసులో ఎద గూటిలో
మూగబోయెనే విధి ఆటలో

రాలే పూల గుండెలో .. అలజడెన్నడు చూపునా
నవ్వే కళ్ళ మాటునా .. బాధ ఎరుగరు ఏడ్చినా
చెలిమే ప్రేమ వరమే ఇచ్చెనే .. ఓ ఓ
ఆ వరమే ముళ్ళ శరమై గుచ్చెనే ..ఓ ..హోహో

ఓపలేనీ వేదనా ..ఇది అంతులేనీ రోదన
ఎదలోతుల్లో సెలయేరల్లె కన్నీరు వరదాయెలే !

ఓ నేస్తమా .. ఓ నేస్తమా !.
ఓ నేస్తమా.. ఓ నేస్తమా !!

ప్రాణం అయిన బంధమా .. దూరమైతే భారమా
సాగే స్నేహగానమా .. మౌనమాయెను భావమా
గతమే తీపి కలగా వచ్చినా .. ఆ ..ఆ
కలిసే ఆశ కలగా మారెనే .. ఓ ..హోహో

కానరాని తీరము .. ఇది చేరలేని గమ్యము
ఎదసంద్రంలో అలసే నీకు ఓదార్చె దిక్కెవ్వరూ !

ఓ నేస్తమా .. ఓ నేస్తమా !.
ఓ నేస్తమా.. ఓ నేస్తమా !!

ఎన్ని ఊసులో ఎద గూటిలో
మూగబోయెనే విధి ఆటలో
ఏడురంగుల హరివిల్లులలో .. ప్రేమ వర్ణమే ఏమైనదో
నిను చేరు దారేది .. నిను కోరు వరమేది

ఓ నేస్తమా .. ఓ నేస్తమా !.
ఓ నేస్తమా.. ఓ నేస్తమా !!