సరిగమ పదనీ స్వరముల సుధనీ చిలుకుతు పదనీ ఎదనీ

సరిగమ పదనీ స్వరముల సుధనీ చిలుకుతు పదనీ ఎదనీ
జరిగినదిదనీ పరిణయ కథనీ చిలిపిగ విననీ సొదనీ
కననీ విననీ జంటనీ అననీ జనవాణీ
రవినీ శశినీ చూడనీ ఒడినే రసరాజధాని

పారాణి పాదాలనీ నాలోన పారాడనీ
ఈ రాణి నాదేననీ కాలాన్ని పాలించనీ
నినుగనీ నీవనీ అవనీ ఆమనీ
మమతల తావినీ మరి మరి పంచనీ
కయ్యాలనీ నెయ్యాలనీ కల్లోన కళ్యాణి ఒళ్ళోన దిగెనని

సూర్యున్ని రానీకనీ రాతిరిని శాసించనీ
రాగాన్ని రారమ్మనీ రసలీల సాగించనీ
కరగని కాంక్షనీ కలలే కాంచనీ
కరిగిన ఆంక్షనీ కడలే పెంచనీ
అందాలన్నీ అందాలనీ అల్లాడు పిల్లాడి అల్లర్లు కనుగొని

సరిగమ పదనీ స్వరముల సుధనీ చిలుకుతు పదనీ ఎదనీ
జరిగినదిదనీ పరిణయ కథనీ చిలిపిగ విననీ సొదనీ
కననీ విననీ జంటనీ అననీ జనవాణీ
రవినీ శశినీ చూడనీ ఒడినే రసరాజధాని

బాగున్నావే ముద్దొచ్చే బుగ్గల్లో సిగ్గమ్మా

బాగున్నావే ముద్దొచ్చే బుగ్గల్లో సిగ్గమ్మా
బంగారంలా పండిందీ ఎంచక్క నీజన్మా
మాటలతో నీతొనూ ముద్దాడేనమ్మా
చేతుల్లో వాలాకా వయసు సొగసు ఎమవునోనమ్మా

శిరస్సు ఎత్తలేనీ అంత బరువు ఏవిటో
చిలిపి ఊహలన్నీ సిగపూలై చేరెనేమో
నిమిషమాగలేనీ తమ తమకమేమిటో
వలపు ఊసులన్నీ వెనకాలే తరిమినేమో
కన్నెగా ఉండగా సిగ్గు తప్పదే ఇప్పుడెందుకే
కొత్తగా ఉన్న నీ అగ్గి చూపునే తప్పుకుందుకే
ఇప్పుడే ఇక్కడే.....అప్పుడే అక్కడే
ఒప్పుకోమంటే ఒప్పు తప్పులెందుకే

ఊ ళ ళ ఆయి ఆయి అని వెన్నెల పాడగా
ఉడుకు తీరిపోయి నిదరోవా వెంటపడకా
ఇంత మంచి రేయి మన మధ్యన చేరగా
నిదర పారిపోయి నిదరోదా కంట పడకా
రెచ్చిపోతున్నదీ పిచ్చి వైఖరీ మర్చిపోమరీ
రెచ్చిపోమన్నదే తీపి తిమ్మిరి వచ్చిపోమరీ
చిఛీఫో ఎంగిలి.. అందుకే చెక్కిలీ..
అచ్చట ముచ్చట తొంగి చూసె జాబిలీ

ఉన్న మాట నీకు చెప్పుకుంట

ఉన్న మాట నీకు చెప్పుకుంట
నిన్ను వీడి నే ఉండలేనంట
చిన్న మాట విన్నవించుకుంట
నీ జంట లేని జన్మమెందుకంట
ఇద్దరం ఏకమై
ముద్దులే లోకమై
వెయ్యేళ్ళిలా ఉండాలని
ముత్తైదువై దీవించని ప్రేమ..

ఈ వరద గోదారి వారధిగ మారి
చూపిందె చిన్నారి నా వలపు దారి
ఒట్టు వేసి చెబుతున్న నువ్వే నా వన్నె పూల వనమాలి
చూడగానె పోల్చుకున్నా నువ్వే నా గుండె కోరుకున్న మజిలి
అందుకే అందుకో అన్నదీ తీగమల్లి

నా వయసుకీనాడే తొలి వేకువంటా
నీ చెలిమి చిరువేడే ఎద తాకెనంటా
దాగి ఉన్న ప్రేమ కడలి ఇలా నిన్ను చూడగానే మేలుకుంది
కౌగిలింత లోన వాలే ముహూర్తం చేయి చాచి పిలిచింది
గంగలా పొంగుతూ సంగమించ రమ్మంది..