వద్దురా కన్నయ్య ఈ పొద్దు
ఇల్లువదలి పోవద్దురా అయ్య
పశువులింటికి తిరిగి పరుగులెత్తేవేళ
పసిపాలను బూచి పట్టుకెళ్ళే వేళ ||వద్దు||
పట్టు పీతాంబరము మట్టిపడి మాసేను
పాలుగారె మోము గాలికే వాడేను ||వద్దు||
గొల్లపిల్లలు చాల అల్లరి వారురా
గోలచేసి నీపై కొండెములు చెప్పేరు ||వద్దు||
ఆడుకోవలెనన్న పాడుకోవలెనన్న
ఆదట నీకున్న అన్నిటను నీదాన ||వద్దు||
ఇప్పుడు 3000 పాటలకు పైగా సాహిత్యం...
No comments:
Post a Comment