పెళ్లి ముహూర్తం కుదిరిందా

పెళ్లి ముహూర్తం కుదిరిందా
పిల్లా నీ పొగరణిగిందా ||

భలే మొగుణ్ణి పట్టావు
ముసళ్ళ పండగ ముందేలే
అసలు వడ్డీ యివ్వాల్లే
పిల్లా నీ పొగరణిగిందా|| ||పెళ్లి||

మహరాజింటి మనువంటె
మజాక అనుకున్నావంటే!

బంగరు నగలు రంగులరాళ్ళు
బారీ కోకలు పట్టు రైకలు
గంగిరెద్దులా సింగారించి
గాడిద బరువులు మోయాలోయ్‌
పిల్లా నీ పొగరణిగిందా
పొగరణిగిందా || ||పెళ్లి||

పెత్తన మొస్తుందనుకోకు
నెత్తికి కళ్ళు రానీకు
అతాత మామా ఉన్నారూ, నీ
సత్తా ఏమో చూస్తారు
పిల్లా నీ పొగరణిగిందా
పరదా లోపల మురగాలి తిరిగే కాలు నిలవాలి
పలుకూ తీరూ మారాలి, నీ
తలబిరుసంతా తగ్గాలి పిల్లా నీ పొగరణిగిందా?||పెళ్లి||