ఎవరో రావాలి .. నీ హౄదయం కదిలించాలి

ఎవరో రావాలి .. నీ హౄదయం కదిలించాలి
నీ తీగలు సవరించాలి
నీలో రాగం పలికించాలి ఎవరో రావాలి ..

మూల దాగి ధూళి మూగి మూగవోయిన మధురవీణ
మరిచి పోయిన మమతలాగా మమతలుడికిన మనసు లాగా
మాసిపోతగునా ! ఎవరో రావాలి

ఎన్ని పదములు నేర్చినావో ఎన్ని కళలను దాచినావో
కొనగోట మీటిన చాలు నీలో కోటిస్వరములు పలుకును ఏవరో రావాలి

రాచనగరున వెలసినావు రస పిపాసకు నోచినావు
శక్తి మరచి రక్తి విడచి మత్తు ఎదో మరగినావు మరచిపోతగునా!
ఏవరో రావాలి .... నీ హౄదయం కదిలించాలి
నీ తీగలు సవరించాలి
నీలో రాగం పలికించాలి ఎవరో రావాలి ..