ఏనాటికైనా ఏజన్మనైనా నీతోడు నీడగా నీచేయి వీడకా...

ఏనాటికైనా ఏజన్మనైనా నీతోడు నీడగా నీచేయి వీడకా...

నీ అడుగుజాడలే అనుసరిస్తాను

కన్నులు నీవే కావాలి కలనై నేనే రావాలి

కవితే నీవై ఉరకాలీ కావ్యం నేనై నిలవాలి

మనసు నేనై వుండాలి మమత నీవై నిండాలి

కడలి నేనై పొంగాలీ నదివి నీవై చేరాలి

తొలకరి నీవై చిలకాలి మొలకను నేనై మొలవాలి

దైవం నీవై నడపాలీ ధర్మం నేనై నడవాలి

శిల్పం నీవై కల్పన నేనై చిరకాలం జీవించాలి

చెరగని మారని శిలాక్షరాలై చిరంజీవులం కావాలి