నువు పుట్టిన రాశి ఏమో కానీ ఓ ప్రేమమ్మా

నువు పుట్టిన రాశి ఏమో కానీ ఓ ప్రేమమ్మా
నీ కలయిక నుదుటన రాసి లేదు ఇదియే నిజమమ్మా

నువు పుట్టిన రాశి ఏమో కానీ ఓ ప్రేమమ్మా
నీ కలయిక నుదుటన రాసి లేదు ఇదియే నిజమమ్మా
కన్నులు నిండే హాయిలో నువ్వే కలవమ్మా
కన్నుల నిండా నీటితో నీకిక సెలవమ్మా
ఇప్పటికింతే సంగతులూ వెళ్ళిపోవమ్మా..మంచిరోజులొచ్చాక మళ్ళీ రావమ్మా !

శతమానం భవతని అన్నది ఆ లోకం
జతమానం అన్నా వినదే ఈ లోకం

నువు పుట్టిన రాశి ఏమో కానీ ఓ ప్రేమమ్మా
నీ కలయిక నుదుటన రాసి లేదు ఇదియే నిజమమ్మా

కలసిన మనసుల గాధా..కళ్యాణాలే కాదా
కలలే చిదిమీ కల చేసేవో ఏమో మరీ
నీకే ఇంతటి ఘనతా..ఇది ఒక నూతన చరితా
చెరిపేసేవో తెగ మురిసేవో నీవే సరీ

ఎదిరించే ఆ బలమేమో ప్రేమికులకుందీ
ఎదిరిస్తే చిరునామా నీకెక్కడుందీ
నీకే..లేదూ..నీ పైన అభిమానం !

శతమానం భవతని అన్నది ఆ లోకం
జతమానం అన్నా వినదే ఈ లోకం

వాకిలి వరకూ వచ్చీ..రమ్మని పిలుపే ఇచ్చీ
తీరా వస్తే తీరాలన్నీ మూసేవులే
నిన్నే గెలిపించేసీ..త్యాగాలెన్నో చేస్తే
ఆ లైలా మజ్ఞూ కధనే తిరిగీ రాసావులే

నిలువెల్లా నీ మదికే ప్రతిబింబమైనా
నలుసంతా దయలేదా నీ మనిషి పైనా
వ్యధనే..సుధగా..ఇచ్చావు బహుమానం !

శతమానం భవతని అన్నది ఆ లోకం
జతమానం అన్నా వినదే ఈ లోకం
శతమానం భవతని అన్నది ఆ లోకం
జతమానం అన్నా వినదే ఈ లోకం