నిన్న మొన్న రేకు విప్పిన లేత మొగ్గా

నిన్న మొన్న రేకు విప్పిన లేత మొగ్గా
నీకు అంతలోనె నన్ను చూస్తె ఇంత సిగ్గా
నిన్న మొన్న రెక్కలొచిన గండు తుమ్మెద
నీకు అంతలోనె నన్ను చూస్తె ఇంత తొందరా ||నిన్న మొన్న||

పరికిణీలు కట్టినపుడు లేని సొగసులు
నీ పైట కొంగు చాటున దోబూచులాడెను ||2||
పసితనాన ఆడుకొన్న తొక్కుడు బిళ్ళలు
నీ పరువానికి నేర్పినవి దుడుకు కోర్కెలు ||2||||నిన్న మొన్న||

పాల బుగ్గలు పూచె లేత కెంపులు
వాలు చూపులందుతోటె వయసు జోరులు ||2||
చిరుత నవ్వులు ఒలికె చిలిపితనాలు
చిన్ననాటి చెలిమి తీసె వలపు దారులు ||2||||నిన్న మొన్న||

ఇన్నాళ్ళు కళ్ళు కళ్ళు కలిపి చూస్తివి
ఇపుడేల రెప్పలలా రెపరెపన్నవి ||2||
ఇన్నాళ్ళు నీ కళ్ళు ఊరుకున్నవి ఇపుడేవేవో
ఇపుడేవేవో మూగబాస లాడుతున్నవి ||2||||నిన్న మొన్న||