పూవువలే విరబూయవలే …

పూవువలే విరబూయవలే … పూవువలే విరబూయవలే
నీ నవ్వువలే వెలుగీయవలే
తావివలే మురిపించవలే .. తావివలే మురిపించవలే
మనమెవ్వరమో మరిపించవలే…..
మమతల నెలవై మాయని కలవై
మనుగడ మధురం చేయవలే
పున్నెముల ఫలమై ఎన్నుకున్న వరమై
నా ఇహపరమై ఏలవలే
పున్నెముల ఫలమై ఎన్నుకున్న వరమై
నా ఇహపరమై ఏలవలే
మనమే నిజమై .. మనసే ఋజువై
మనమే నిజమై .. మనసే ఋజువై
మనమే జగమై జగమేలవలే
మనమే జగమై జగమేలవలే
పూవువలే విరబూయవలే .. నీ నవ్వువలే వెలుగీయవలే
చిట్టి పాప నేనై తల్లిఒడి నీవై నీ హృదిలోనే దాగవలె
చిట్టి పాప నేనై తల్లిఒడి నీవై నీ హృదిలోనే దాగవలె
చిత్తమున నిన్ను హత్తుకుని నేను జీవితమంతా సాగవలె
నిన్నే తలచి నన్నే మరచి అన్నీ తెలిసీ అలరించవలే
తావివలే మురిపించవలే మనమెవ్వరమో మరపించవలే