సన్నగ వీచే చల్ల గాలికి కనులు మూసినా కలలాయే

సన్నగ వీచే చల్ల గాలికి కనులు మూసినా కలలాయే
తెల్లని వెన్నెల పానుపు పై ఆ కలలో వింతలు కననాయే
అవి తలచిన ఏమో సిగ్గాయే

కనులు తెరచిన నీవయే నే కనులు మూసిన నీవయే

నిదురించిన నా హృదయమునెవరో కదిలించిన సడి విననాయే
కలవరపడి నే కనులు తెరువగా కంటి పాపలో నీవాయే
ఎచట చూసినా నీవాయే

మేలుకొనిన నా మదిలో యేవొ మెల్లని పిలుపులు విననాయే
ఉలికిపాటుతో కలయ వెతక నా హృదయ ఫలకమున నీవాయే

కనులు తెరచినా నీవాయే
కనులు మూసినా నీవేనాయే